15/03/2019 11:29 GMT+7 Email Print Like 0

ອາເມລິກາ ຕີລາຄາແບບຂາດພາວະວິໄສກ່ຽວກັບສະພາບການສິດທິມະນຸດຢູ່ ຫວຽດນາມ

ກອງປະຊຸມຖະແຫລງຂ່າວປະຈຳເດືອນ ໃນຕອນບ່າຍວັນທີ 14 ມີນາ ຢູ່ ຮ່າໂນ້ຍ, ເມື່ອເຕື້ອງເຖິງບົດລາຍງານສິດທິມະນຸດປະຈຳປີ 2018 ຂອງກະຊວງການຕ່າງປະເທດ ອາເມລິກາ ຫວ່າງແລ້ວນີ້, ໂຄສົກກະຊວງການຕ່າງປະເທດຫວຽດນາມ ທ່ານນາງ ເລທິທູຮັ່ງ ໃຫ້ຮູ້ວ່າ: 

ເຖິງວ່າ ມີການຮັບຮູ້ກ່ຽວກັບການປົກປ້ອງສິດທິມະນຸດຂອງຫວຽດນາມ ແຕ່ບົດລາຍງານສິດທິມະນຸດປະຈຳປີ 2018 ຂອງກະຊວງການຕ່າງປະເທດ ອາເມລິກາ ຍັງມີບາງການຕີລາຄາແບບຂາດພາວະວິໄສ ໂດຍອີງໃສ່ບາງຂໍ້ມູນຂ່າວບໍ່ຊັດແຈນ, ບໍ່ສ່ອງແສງຖືກກັບສະພາບຕົວຈິງຢູ່ຫວຽດນາມ.

“ບັນດາສິດເສລີພື້ນຖານຂອງພົນລະເມືອງລ້ວນແຕ່ໄດ້ລະບຸຢ່າງຈະແຈ້ງໃນລັດຖະທຳມະນູນ ແລະ ກົດໝາຍຂອງຫວຽດນາມ, ສອດຄ່ອງກັບສົນທິສັນຍາສາກົນກ່ຽວກັບສິດທິມະນຸດ ຊື່ງຫວຽດນາມ ແມ່ນສະມາຊິກ ແລະ ໄດ້ຮັບຄວາມເຄົາລົບ, ຮັບປະກັນຕາມຄວາມຈິງ. ຄວາມມານະພະຍາຍາມຂອງຫວຽດນາມ ໄດ້ຮັບການຕີລາຄາສູງຈາກປະຊາຄົມສາກົນ.”

ທ່ານນາງ ເລທິທູຮັ່ງ ໂຄສົກກະຊວງການຕ່າງປະເທດຫວຽດນາມ 

ທີ່ກອງປະຊຸມຖະແຫລງຂ່າວ, ເມື່ອເຕື້ອງເຖິງການເຄື່ອນໄຫວຂອງຈີນ ຢູ່ ເກາະ ທີຕື ຜ່ານມາ, ໂຄສົກກະຊວງການຕ່າງປະເທດຫວຽດນາມ ຢືນຢັນວ່າ:

 

 “ຫວຽດນາມ ມີພະຍານຫລັກຖານດ້ານນິຕິກຳ ແລະ ດ້ານປະຫວັດສາດຢ່າງພຽງພໍ ເພື່ອຢັ້ງຢືນອະທິປະໄຕຂອງຫວຽດນາມ ສຳລັບໝູ່ເກາະ ຮ່ວາງຊາ ແລະ ເຈື່ອງຊາ ຕາມການກຳນົດຂອງກົດໝາຍສາກົນ. ຫວຽດນາມ ຖືວ່າ ໃນຂະນະພວມຊອກຫາມາດຕະການສັນຕິພາບໃຫ້ແກ່ການຂັດແຍ້ງຢູ່ ທະເລຕາເວນອອກ, ບັນດາຝ່າຍກ່ຽວຂ້ອງຕ້ອງເຄົາລົບຖະແຫລງການປະພຶດຂອງບັນດາຝ່າຍຢູ່ທະເລຕາເວັນອອກ ພິເສດແມ່ນການກຳນົດກ່ຽວກັບຄວາມອົດກັ້ນ ບໍ່ມີການກະທຳກໍ່ຄວາມສັບສົນ ແລະ ເພີ່ມຄວາມຂັດແຍ້ງ ນັບທັງບໍ່ໄດ້ມີການກະທຳຢືດຄອງບັນດາໂຄງສ້າງທີ່ບໍ່ມີຄົນຢູ່ ຢູ່ ທະເລຕາເວັນອອກ, ການກະທຳຕ້ອງມີຄວາມຮັບຜິດຊອບ ແລະ ມີການປະກອບສ່ວນຢ່າງແທດຈິງໃຫ້ແກ່ສັນຕິພາບ, ສະຖຽນລະພາບຢູ່ພາກພື້ນ.”

(ແຫຼ່ງຄັດຈາກ VOV)