19/01/2021 23:37 GMT+7 Email Print Like 0

ອາຊຽນ ຮັກສາຄວາມສາມັກຄີ, ໃຫ້ຄຳໝັ້ນສັນຍາປະກອບສ່ວນເຂົ້າໃນສັນຕິພາບ, ສະຖຽນລະພາບຢູ່ທະເລຕາເວັນອອກ ແລະ ໃນພາກພື້ນ

      ສະພາບການຢູ່ທະເລຕາເວັນອອກ ສືບຕໍ່ມີການຜັນແປຢ່າງສັບສົນ ຮຽກຮ້ອງໃຫ້ ອາຊຽນ ຕ້ອງຮັກສາຄວາມສາມັກຄີ, ເປັນເອກະພາບ, ໃຫ້ຄຳໝັ້ນສັນຍາປະກອບສ່ວນເຂົ້າໃນສັນຕິພາບ, ສະຖຽນລະພາບຢູ່ທະເລຕາເວັນອອກ ແລະ ໃນພາກພື້ນເວົ້າລວມ. 
ກອງປະຊຸມເຈົ້າໜ້າທີ່ອາວຸໂສ ອາຊຽນ ອອນລາຍ
      ວັນທີ 19 ມັງກອນ, ທ່ານຮອງລັດຖະມົນຕີກະຊວງການຕ່າງປະເທດ ຫວຽດນາມ ຫງວຽນກວັກຢຸງ ພ້ອມດ້ວຍຄະນະເຈົ້າໜ້າທີ່ການຕ່າງປະເທດ ຫວຽດນາມ ເຂົ້າຮ່ວມກອງປະຊຸມເຈົ້າໜ້າທີ່ອາວຸໂສ ອາຊຽນ (SOM ອາຊຽນ) ທາງອອນລາຍ, ນີ້ແມ່ນການເຄື່ອນໄຫວ ອາຊຽນ ທຳອິດໃນປີ 2021 ໂດຍປະທດ ບຣຸໄນ ເປັນເຈົ້າພາບຈັດຕັ້ງ. ກອງປະຊຸມດັ່ງກ່າວ ມີໜ້າທີ່ກະກຽມຫລາຍດ້ານໃຫ້ແກ່ກອງປະຊຸມວົງແຄບບັນດາລັດຖະມົນຕີການຕ່າງປະເທດ (AMMR) ເຊິ່ງຈະຈັດຂຶ້ນໃນວັນທີ 21 ມັງກອນ ຜ່ານທາງອອນລາຍ. ທີ່ກອງປະຊຸມ, ບັນດາປະເທດຖືວ່າ: ສະພາບການຢູ່ທະເລຕາເວັນອອກ ສືບຕໍ່ມີການຜັນແປຢ່າງສັບສົນ ຮຽກຮ້ອງໃຫ້ ອາຊຽນ ຕ້ອງຮັກສາຄວາມສາມັກຄີ, ເປັນເອກະພາບ, ໃຫ້ຄຳໝັ້ນສັນຍາປະກອບສ່ວນເຂົ້າໃນສັນຕິພາບ, ສະຖຽນລະພາບຢູ່ທະເລຕາເວັນອອກ ແລະ ໃນພາກພື້ນເວົ້າລວມ. ບັນດາຝ່າຍຄວນສືບຕໍ່ປະຕິບັດຖະແຫຼງການວ່າດ້ວຍການປະພຶດຂອງບັນດາຝ່າຍຢູ່ທະເລຕາເວັນອອກ (DOC) ຢ່າງຄົບຖ້ວນ, ເຂັ້ມງວດ ແລະ ຊຸກຍູ້ການເຊື່ອມຕໍ່ການເຈລະຈາຄືນໃໝ່ ກ່ຽວກັບການສ້າງກົດແຫ່ງການປະພຶດຂອງບັນດາຝ່າຍຢູ່ທະເລຕາເວັນອອກ (COC) ຢ່າງມີປະສິດທິຜົນ ແລະ ປະສິດທິພາບ, ເໝາະສົມກັບກົດໝາຍສາກົນ, ໃນນັ້ນມີ ສົນທິສັນຍາກ່ຽວກັບກົດໝ່າຍວ່າດ້ວຍທະເລຂອງສະຫະປະຊາຊາດ (UNCLOS) 1982.
(ແຫຼ່ງຄັດຈາກ VOV)