18/07/2019 08:48 GMT+7 Email Print Like 0

ອັດກອງປະຊຸມຄັ້ງທີ 35 ຂອງ ຄະນະປະຈໍາສະພາແຫ່ງຊາດ

ກອງປະຊຸມຄັ້ງທີ 35 ຂອງຄະນະປະຈໍາສະພາແຫ່ງຊາດຫວຽດນາມ ໄດ້ອັດລົງ   ໃນຕອນເຊົ້າວັນທີ 17 ກໍລະກົດ.

ທ່ານນາງປະທານສະພາແຫ່ງຊາດຫວຽດນາມ ຫງວຽນທິກິມເງິນກ່າວຄໍາເຫັນສະຫຼຸບກອງປະຊຸມ (ພາບ: quochoi.vn)

ຕອນເຊົ້າວັນທີ 17 ກໍລະກົດ, ກອງປະຊຸມຄັ້ງທີ 35 ຂອງຄະນະປະຈໍາສະພາແຫ່ງຊາດຫວຽດນາມ ໄດ້ອັດລົງ. ກ່າວຄໍາເຫັນສະຫຼຸບກອງປະຊຸມ, ທ່ານນາງປະທານສະພາແຫ່ງຊາດຫວຽດນາມ ຫງວຽນທິກິມເງິນ ສະເໜີໃຫ້ລັດຖະບານ, ສະພາຊົນເຜົ່າ, ບັນດາກໍາມາທິການຂອງສະພາແຫ່ງຊາດ ຈົ່ງຕິດຕາມໃກ້ຊິດເນື້ອໃນຈິດໃຈ ແລະ ທຸກເນື້ອໃນຂອງກອງປະຊຸມ ເພື່ອສືບຕໍ່ຄົ້ນຄວ້າສ້າງຮ່າງກົດໝາຍ 4 ສະບັບ, ບົດລາຍງານ, ຮ່າງມະຕິ ເພື່ອຍື່ນສະເໜີໃຫ້ປະກາດໃຊ້. ພ້ອມທັງເປັນເຈົ້າການໃນວຽກງານກະກຽມໃຫ້ແກ່່ກອງປະຊຸມຄັ້ງທີ 8, ກ່່ອນອື່ນໝົດແມ່ນກະກຽມເນື້ອໃນໃຫ້ແກ່ກອງປະຊຸມຄັ້ງທີ 36 ຂອງຄະນະປະຈໍາສະພາແຫ່່ງຊາດ. ກ່ຽວຂ້ອງເຖິງແຜນນະໂຍບາຍລົງທຶນກໍ່ສ້າງ ໂຄງການສະພາແຫ່ງຊາດເອເລັກໂຕນິກ ໄລຍະ 2019 – 2026, ທ່ານນາງປະທານສະພາແຫ່ງຊາດຫວຽດນາມ ຫງວຽນທິກິມເງິນ ສະເໜີວ່າ:

        “ແຜນຮ່າງດັ່ງກ່າວ ບໍ່ແມ່ນໂຄງການລົງທຶນ. ແຜນຮ່າງດັ່ງກ່າວ ແມ່ນເພື່ອກໍານົດທິດກອບພື້ນຖານນິຕິກໍາ ເພື່ອສ້າງສະພາແຫ່ງຊາດເອເລັກໂຕນິກເປັນເທື່ອລະກ້າວ. ສະໜີສະພາແຫ່ງຊາດ, ລັດຖະບານ, ບັນດາອົງການຈັດຕັ້ງໃນລະບົບການເມືອງເພີ່ມທະວີການໝູນໃຊ້ເຕັກໂນໂລຢີຂໍ້ມູນຂ່າວສານ, ສົມທົບກັນສ້າງປະຕູຖານຂໍ້ມູນຂ່າວເອເລັກໂຕນິກເຊື່ອມໂຍງ ດ້ວຍສາງຂໍ້ມູນຂ່າວສານລວມ, ມີລັກສະນະຄົບຊຸດ, ຍົກສູງປະສິດທິຜົນຂອງບັນດາອົງການຈັດຕັ້ງ ແລະ ລັກສະນະເຊື່ອມໂຍງລະຫວ່າງບັນດາອົງການລັດ ເພື່ອຮັບໃຊ້ປະເທດຊາດ ແລະ ປະຊາຊົນ”.

(ແຫຼ່ງຄັດຈາກ VOV)