27/09/2019 06:56 GMT+7 Email Print Like 0

ຫ​ໍ​ສະ​ພາ​ແຫ່ງ​ຊາດ ລາວ ຫຼັງໃໝ່: ສັນ​ຍາ​ລັກແຫ່ງ​ນ້ຳ​ໃຈ​ສາ​ມັກ​ຄີ​ລະ​ຫວ່າງ ຫວຽດ​ນາມ - ລາວ

ໃນຂອບເຂດການໄປຢ້ຽມຢາມ ແລະ ເຮັດວຽກຢູ່ ລາວໃນລະຫວ່າງວັນທີ 26 – 29 ກັນຍາ, ທ່ານນາງ ຫງວຽນທິກິມເງິນ ປະທານສະພາແຫ່ງຊາດ ຫວຽດນາມ ແລະ ຄະນະຜູ້ແທນສະພາແຫ່ງຊາດ ຫວຽດນາມ ໄດ້ໄປຢ້ຽມຢາມຫໍສະພາແຫ່ງຊາດລາວຫຼັງໃໝ່, ເຊິ່ງເປັນຂອງຂວັນຈາກພັກ, ລັດ, ລັດຖະບານ ແລະ ປະຊາຊົນ ຫວຽດນາມມອບໃຫ້ ພັກ, ລັດ, ລັດຖະບານ ແລະ ປະຊາຊົນ ລາວ.

ຫໍສະພາແຫ່ງຊາດ ລາວ ຫຼັງໃໝ່ພວມຢູ່ໃນໄລຍະກໍ່ສ້າງ (ພາບ: TTXVN) 

ໂດຍປະຕິບັດກໍ່ສ້າງຢູ່ ເດີ່ນ ທາດຫຼວງ, ໃຈກາງຂອງນະຄອນຫຼວງ ວຽງຈັນ, ຫໍສະພາແຫ່ງຊາດລາວຫຼັງໃໝ່ ແມ່ນໂຄງການທີ່ມີຄວາມໝາຍດ້ານການເມືອງ - ການຕ່າງປະເທດ, ໂດຍແມ່ນສັນຍາລັກຂອງການພົວພັນມິດຕະພາບ ທີ່ເປັນມູນເຊື້ອ, ນ້ຳໃຈສາມັກຄີແບບພິເສດ ແລະ ການຮ່ວມມືຢ່າງຮອບດ້ານລະຫວ່າງ ສອງພັກ, ສອງລັດຖະບານ, ສອງສະພາແຫ່ງຊາດ ແລະ ປະຊາຊົນ ສອງປະເທດ ຫວຽດນາມ - ລາວ.

ໂຄງການຫໍສະພາແຫ່ງຊາດລາວຫຼັງໃໝ່ມີມູນຄ່າການກໍ່ສ້າງຫຼາຍກ່ວາ 100 ລ້ານ USD ໂດຍເປັນອາຄານ 5 ຊັ້ນ ແລະ 1 ຊັ້ນໃຕ້ດິນທີ່ສາມາດບັນຈຸໄດ້ 800 – 1000 ຄົນ. ຫຼັງຈາກກໍ່ສ້າງສຳເລັດ, ຫໍສະພາແຫ່ງຊາດຫຼັງໃໝ່ຂອງ ລາວ ບໍ່ພຽງແຕ່ຮັບປະກັນໄດ້ ທຸກໆ ວຽກງານ, ໜ້າທີ່ຂອງບັນດາການເຄື່ອນໄຫວຂອງສະພາແຫ່ງຊາດໃນໄລຍະກ່ວາ 100 ປີເທົ່ານັ້ນ, ຫາກຍັງປະກອບສ່ວນສຳຄັນເຮັດໃຫ້ການພົວພັນແບບພິເສດລະຫວ່າງ ລາວ - ຫວຽດນາມ ນັບມື້ນັບພັດທະນາກ່ວາເກົ່າອີກດ້ວຍ, ສົມເປັນສັນຍາລັກແຫ່ງການພົວພັນມິດຕະພາບ ແລະ ການຮ່ວມມືຢ່າງຮອບດ້ານລະຫວ່າງສອງພັກ, ສອງລັດ ແລະ ປະຊາຊົນລະຫວ່າງ ສອງປະເທດ ລາວ ແລະ ຫວຽດນາມ ອ້າຍນ້ອງ.

(ແຫຼ່ງຄັດຈາກ VOV)