ໃນລະຫວ່າງວັນທີ 26 – 28 ມີນາ, ຢູ່ນະຄອນຫຼວງ ວຽງຈັນ, ປະເທດ ລາວ, ໄດ້ດຳເນີນກອງປະຊຸມລັດຖະມົນຕີກະຊວງແຮງງານ ແລະ ສະຫວັດດີການສັງຄົມ ຫວຽດນາມ - ລາວ ຄັ້ງທີ 6 ໂດຍທ່ານ ດ່າວງັອກຢູງ ລັດຖະມົນຕີກະຊວງແຮງງານ, ທະຫານເສຍອົງຄະ ແລະ ສັງຄົມ ຫວຽດນາມ ແລະ ທ່ານ ຄຳແພງ ໄຊສົມແພງ ລັດຖະມົນຕີກະຊວງແຮງງານ ແລະ ສະຫວັດດີການສັງຄົມ ລາວເປັນປະທານຮ່ວມ.

ທີ່ກອງປະຊຸມ, ສອງຝ່າຍໄດ້ເຫັນດີເປັນເອກະພາບຕີລາຄາການປະຕິບັດບົດບັນທຶກກອງປະຊຸມລັດຖະມົນຕີກະຊວງແຮງງານ ແລະ ສະຫວັດດີການສັງຄົມ ຫວຽດນາມ - ລາວ ຄັ້ງທີ 5 ຢູ່ ດ່ານັງ ໃນເດືອນເມສາ ປີ 2017 ຊຶ່ງບັນລຸໄດ້ໝາກຜົນສຳຄັນຫຼາຍຢ່າງ ທັງດ້ານຂອບເຂດ, ຄຸນນະພາບ ແລະ ຮູບແບບການຮ່ວມມື, ໃນຂົງເຂດແຮງງານ ແລະ ສະຫວັດດີການສັງຄົມ, ປະກອບສ່ວນຕອບສະໜອງຄວາມຮຽກຮ້ອງຕ້ອງການໃນການພັດທະນາເສດຖະກິດ - ສັງຄົມ ຂອງແຕ່ລະປະເທດ ນັບມື້ນັບດີກ່ວາ. ພ້ອມທັງແບ່ງປັນບົດຮຽນໃນວຽກງານບຳລຸງສ້າງວິຊາຊີບ, ແກ້ໄຂບັນຫາວຽກເຮັດງານທຳ, ຫຼຸດຜ່ອນຄວາມທຸກຍາກແບບຍືນຍົງ, ປະຕິບັດບັນດານະໂຍບາຍກ່ຽວກັບການປະກັນໄພສັງຄົມ, ວຽກງານອຸປະກາລະສັງຄົມ, ປົກປ້ອງ ແລະ ດູແລເດັກນ້ອຍ,ໜູນຊ່ວຍຄົນພິການ, ຜູ້ທີ່ມີອາຍຸສູງ, ດູແລຜູ້ທີ່ມີຄຸນງາມຄວາມດີຕໍ່ການປະຕິວັດ…ກ່ຽວກັບບັນດາໝາກຜົນສຳຄັນທີ່ບັນລຸໄດ້ໃນກອງປະຊຸມດັ່ງກ່າວ, ທ່ານ ຢວານເມົາຢຽນ, ຮອງລັດຖະມົນຕີ ກະຊວງ ແຮງງານ, ທະຫານເສຍອົງຄະ ແລະ ສັງຄົມ ຫວຽດນາມໃຫ້ຮູ້ວ່າ:

        ສອງກະຊວງເຫັນດີເປັນເອກະພາບສືບຕໍ່ຮ່ວມມືກັນແບ່ງປັນບົດຮຽນການພັດທະນາຂໍ້ມູນຂ່າວສານກ່ຽວກັບຕະຫຼາດແຮງງານ ແລະ ການຄຸ້ມຄອງແຮງງານ, ຮ່ວມມືໃນຂົງເຂດບຳລຸງສ້າງວິຊາຊີບ, ປະກັນໄພສັງຄົມ, ການກວດກາ… ພິເສດ ຫວຽດນາມ ໜູນຊ່ວຍນັກຊ່ຽວຊານ, ບຳລຸງສ້າງພະນັກງານເພື່ອໃຫ້ສູນຟື້ນຟູອາເມກປະສົງຢູ່ບ້ານເກິນເຄື່ອນໄຫວຢ່າງມີປະສິດທິຜົນ. ໜູນຊ່ວຍລາວສ້າງກົນໄກນະໂຍບາຍ ແລະ ຄຸ້ມຄອງແຮງງານໃນເຂດຕິດກັບຊາຍແດນ ແລະ ແຮງງານ ຫວຽດນາມຢູ່ລາວ ໃຫ້ດີກ່ວາອີກ; ສືບຕໍ່ໜູນຊ່ວຍລາວພັດທະນາລະບົບອະຊິສະສຶກສາ.

        ໃນໂອກາດນີ້, ການນຳຂອງສອງກະຊວງໄດ້ມອບຫຼຽນໄຊມິດຕະພາບ ແລະ ໃບຍ້ອງຍໍໃຫ້ແກ່ໝູ່ຄະນະ, ບຸກຄົນ ທີ່ມີຜົນງານ ປະກອບສ່ວນໃຫ້ແກ່ການພົວພັນຮ່ວມມືລະຫວ່າງ ສອງ ກະຊວງ, ສອງປະເທດຫວຽດນາມ - ລາວ ໃນໄລຍະທີ່ຜ່ານມາ.

(ແຫຼ່ງຄັດຈາກ VOV)