ຫວຽດນາມ ຖືເປັນສຳຄັນການເຈລະຈາ ແລະ ໄກ່ເກ່ຍໃນການແກ້ໄຂການປະທະກັນຢູ່ ກົງໂກ
ວັນທີ 6 ຕຸລາ, ສະພາຄວາມໝັ້ນຄົງ ສປຊ ໄດ້ຈັດກອງປະຊຸມທາງອອນລາຍກ່ຽວກັບສະພາບການຢູ່ ສາທາລະນະລັດປະຊາທິປະໄຕ ກົງໂກ.
ທ່ານເອກອັກຄະລັດຖະທູດ ດັ້ງດິ່ງກຸ໊ຍ, ຫົວໜ້າຄະນະຜູ້ຕາງໜ້າຫວຽດນາມ ປະຈຳ ສປຊ (ພາບ:TTXVN)
ກ່າວຄຳເຫັນທີ່ກອງປະຊຸມ, ທ່ານເອກອັກຄະລັດຖະທູດ ດັ້ງດິ່ງກຸ໊ຍ, ຫົວໜ້າຄະນະຜູ້ຕາງໜ້າຫວຽດນາມ ປະຈຳ ສປຊ ໄດ້ຮັບຮູ້ຄວາມມານະພະຍາຍາມຂອງລັດຖະບານ ກົງໂກໃນການຮັກສາສະພາບສະຖຽນລະພາບພາຍໃນປະເທດ ແລະ ເພີ່ມທະວີການຮ່ວມມືສາກົນ ເພື່ອແນໃສ່ແກ້ໄຂບັນດາຄວາມຫຍຸ້ງຍາກ, ສິ່ງທ້າທາຍກ່ຽວກັບຄວາມໝັ້ນຄົງ ແລະ ສັນຕິພາບ. ທ່ານເອກອັກຄະລັດຖະທູດກໍໄດ້ແບ່ງປັນຄວາມສົນໃຈກ່ຽວກັບສະພາບການຂາດສະຖຽນລະພາບຢູ່ພາກພື້ນຕາເວັນອອກ ກົງໂກ ແລະ ສິ່ງທ້າທາຍຕໍ່ສະພາບມະນຸດສະທຳ ພ້ອມກັບຜົນສະທ້ອນຂອງໂລກລະບາດໂຄວິດ - 19, ເອໂບລາ ແລະ ໂລກພະຍາດອື່ນໆ. ທ່ານເອກອັກຄະລັດຖະທູດ ກໍເນັ້ນໜັກເຖິງຄວາມສົນໃຈຂອງການໜູນຊ່ວຍສາກົນ ແລະ ການເພີ່ມທະວີການຮ່ວມມືໃນພາກພື້ນ, ພ້ອມທັງຢັ້ງຢືນເຖິງການປະກອບສ່ວນສຳຄັນຂອງ ສະຫະພາບ ອາຟະລິກາ ແລະ ບັນດາອົງການຈັດຕັ້ງຢູ່ອະນຸພາກພື້ນອື່ນໆໃນການຮັກສາສັນຕິພາບ ແລະ ສະຖຽນລະພາບຢູ່ ກົງໂກ.
(ແຫຼ່ງຄັດຈາກ VOV)