10/04/2020 09:43 GMT+7 Email Print Like 0

ຫວຽດ​ນາມ ກວດ​ພົບ​ຜູ້​ຕິດ​ເຊື້ອ ໂຄວິດ 19 ເພີ່​ມ ອີກ 4 ກໍ​ລະ​ນີ

ຮອດ 18 ໂມງຂອງວັນທິ 9 ເມສາ, ຫວຽດນາມ ກວດພົບຜູ້ຕິດເຊື້ອ ໂຄວິດ 19 ເພີ່ມ ອີກ 4 ກໍລະນີ,ຍົກຍອດຈຳນວນຜູ້ຕິດເຊື້ອ ໂຄວິດ 19  ຢູ່ ຫວຽດນາມ ຂຶ້ນເປັນ 255 ກໍລະນີ, ໃນນັ້ນ ມີ 128 ຄົນໄດ້ຮັບການປິ່ນປົວຫາຍດີ ແລະ ອອກໂຮງໝໍແລ້ວ.

ການເຮັດອະນາໄມຂ້າເຊື້ອ ແລະ ປິດລ້ອມບ້ານຮະໂລຍ, ຕາແສງເມລິງ, ຮ່າໂນ້ຍ (ພາບ: TTXVN)

 ກ່ອນຫນ້ານັ້ນ ວັນທີ 8 ເມສາ, ຄະນະຊີ້ນຳວຽກງານປ້ອງກັນ ແລະ ສະກັດກັ້ນໂລກລະບາດໂຄວິດ - 19 ແຫ່ງຊາດ ໄດ້ເຫັນດີເປັນເອກະພາບວ່າ ຕ້ອງຢຶດໝັ້ນຕໍ່ 5 ຫຼັກການປ້ອງກັນ ແລະ ສະກັດກັ້ນໂລກລະບາດ ໂຄວິດ - 19 ທີ່ໄດ້ປະຕິບັດມານັບແຕ່ຫົວທີຈົນຮອດປັດຈຸບັນ ເຊິ່ງລວມມີ: ສະກັດກັ້ນ, ກວດພົບຜູ້ຕິດເຊື້ອ, ແຍກຕົວ, ຈຳກັດຂອບເຂດ, ດັບມອດໂລກລະບາດ. ນີ້ແມ່ນຍຸດທະສາດບໍ່ປ່ຽນແປງ, ຕ້ອງປະຕິບັດຢ່າງຂ້ຽວຂາດ, ບໍ່ປະໝາດ ແລະ ຕ້ອງມີສະຕິລະວັງຕົວ.

ປັດຈຸບັນ, ຫວຽດນາມ ພວມຄວບຄຸມໂລກລະບາດໄດ້ຕາມແຜນການທີ່ຄາດຄະເນໄວ້ ແລະ ໃນໄລຍະຈະມາເຖິງ ຈະປະກົດມີຜູ້ຕິດເຊື້ອໃໝ່ໃນຊຸມຊົນຕື່ມອີກ. ຄະນະຊີ້ນຳວຽກງານປ້ອງກັນ ແລະ ສະກັດກັ້ນໂລກລະບາດໂຄວິດ - 19 ແຫ່ງຊາດ ກໍເຫັນດີເປັນກະພາບຕໍ່ຫຼັກການທີ່ວ່າ ຕ້ອງເພີ່ມທະວີການປົກປ້ອງໃຫ້ແກ່ບັນດາກຳລັງທີ່ປະຕິບັດໜ້າທີ່ປ້ອງກັນ, ສະກັດກັ້ນໂລກລະບາດ, ບໍ່ສະເພາະແຕ່ຕຳຫຼວດ, ສາທາລະນະສຸກ, ກອງທັບ ເທົ່ານັ້ນ ຫາກຍັງນັບທັງສະມາຄົມນັກຮົບເກົ່າ, ຄະນະຊາວໜຸ່ມ, ສະຫະພັນແມ່ນຍິງ ທີ່ເຂົ້າຮ່ວມວຽກງານປ້ອງກັນ, ສະກັດກັ້ນໂລກລະບາດຢູ່ທ້ອງຖິ່ນອີກດ້ວຍ.

 (ແຫຼ່ງຄັດຈາກ VOV)