ຂ່າວສານ
ຫວຽດນາມໄດ້ຈັດຕັ້ງ ຖ້ຽວບິນ 55 ຖ້ຽວເພື່ອນຳສົ່ງພົນລະເມືອງ 13.323 ຄົນ ຢູ່ຕ່າງປະເທດກັບມາປະເທດ
ຫວຽດນາມຕ້ອນຮັບພົນລະເມືອງຢູ່ບັນດາປະເທດກັບມາປະເທດ (ພາບ: TTXVN)
ຕອນບ່າຍວັນທີ 16 ກໍລະກົດ, ທີ່ກອງປະຊຸມຖະແຫຼງຂ່າວ ນັດສາມັນ ຂອງກະຊວງການຕ່າງປະເທດຫວຽດນາມ, ທ່ານນາງເລທິທູຮັ່ງ ໂຄສົກກະຊວງການຕ່າງປະເທດຫວຽດນາມ ໃຫ້ຮູ້ວ່າ: “ຕາມການຊີ້ນຳຂອງການນຳຂັ້ນສູງ, ພິເສດແມ່ນທ່ານນາຍົກລັດຖະມົນຕີ, ໃນໄລຍະທີ່ຜ່ານມາ, ບັນດາອົງການມີໜ້າທີ່ຮັບຜິດຊອບຂອງ ຫວຽດນາມ ພ້ອມກັບບັນດາອົງການຕາງໜ້າຫວຽດນາມ ປະຈຳຢູ່ຕ່າງປະເທດ ໄດ້ສົມທົບ ກັບບັນດາອົງການມີໜ້າທີ່ຮັບຜິດຊອບຂອງບັນດາປະເທດຢ່າງແໜ້ນແຟ້ນ ເພື່ອນຳພົນລະເມືອງຫວຽດນາມ ກັບມາປະເທດຕາມຄວາມມຸ່ງມາດປາດຖະໜາ ແລະ ຮັບປະກັນການແນະນຳແຍກຕົວລວມຢູ່ແຕ່ລະປະເທດ”.
ໃນເຫດການທີ່ກ່ຽວຂ້ອງ, ຕາມຄະນະຊີ້ນຳແຫ່ງຊາດກ່ຽວກັບການປ້ອງກັນ, ສະກັດກັ້ນໂລກລະບາດ Covid – 19, ໄລ່ຮອດເວລາ 6 ໂມງຂອງວັນທີ 17 ກໍລະກົດ, ໄດ້ 92 ມື້ແລ້ວທີ່ ຫວຽດນາມບໍ່ກວດພົບຜູ້ຕິດເຊື້ອໃໝ່ຕື່ມອີກຊຸມຊົນ ແລະ ຫວຽດນາມມີຜູ້ຕິດເຊື້ອພະຍາດ Covid – 19 ມາຈາກຕ່າງປະເທດແມ່ນ 241 ຄົນ ພາຍຫຼັງເຂົ້າເມືອງມາກໍ່ໄດ້ແຍກຕົວໃນທັນທີ.
(ແຫຼ່ງຄັດຈາກ VOV)
