24/07/2020 09:39 GMT+7 Email Print Like 0

ຫວຽດນາມ - ອາເມລິກາ ລົງນາມ ບົດບັນທຶກຊ່ວຍຈຳກ່ຽວກັບການເພີ່ມທະວີກຳລັງຄວາມສາມາດໃນການປະຕິບັດກົດໝາຍວ່າດ້ວຍສິນໃນນ້ຳ

      ວັນທີ 22 ກໍລະກົດ, ຢູ່ຮ່າໂນ້ຍ, ກົມໃຫຍ່ສິນໃນນ້ຳ (ກະຊວງກະສິກຳ ແລະ ພັດທະນາຊົນນະບົດ ຫວຽດນາມ) ແລະ ກົມປ້ອງກັນຄວບຄຸມຢາເສບຕິດ ແລະ ປະຕິບັດກົດໝາຍສາກົນ (ກະຊວງການຕ່າງປະເທດ ອາເມລິກາ) ໄດ້ລົງນາມບົດບັນທຶກຊ່ວຍຈຳກ່ຽວກັບການເພີ່ມທະວີກຳລັງຄວາມສາມາດໃນການປະຕິບັດກົດໝາຍວ່າດ້ວຍສິນໃນນ້ຳ.
ພິທີ  ລົງນາມ ບົດບັນທຶກຊ່ວຍຈຳກ່ຽວກັບການເພີ່ມທະວີກຳລັງຄວາມສາມາດໃນການປະຕິບັດກົດໝາຍວ່າດ້ວຍສິນໃນນ້ຳ
(ພາບ:
BNEWS/TTXVN)
      ບັນດາການເຄື່ອນໄຫວຮ່ວມມືຈະໄດ້ຜັນຂະຫຍາຍຕາມບົດບັນທຶກນີ້ລວມມີ: ການສ້າງ ແລະ ຜັນຂະຫຍາຍບັນດາໂຄງການຮ່ວມມື/ໂຄງການໜູນຊ່ວຍດ້ານເຕັກນິກໃຫ້ແກ່ບັນດາອົງການປະຕິບັດກົດໝາຍວ່າດ້ວຍສິນໃນນ້ຳຂອງຫວຽດນາມເພື່ອປ້ອງກັນ, ຕ້ານ ແລະ ສະກັດກັ້ນການເຄື່ອນໄຫວຂຸດຄົ້ນສິນທະເລທີ່ຜິດກົດໝາຍ, ບໍ່ລາຍງານ ແລະ ບໍ່ປະຕິບັດຕາມຂໍ້ກຳນົດ (IUU), ບັນດາອາດຊະຍາກຳທີ່ກ່ຽວຂ້ອງເຖິງອາຊີບຫາປາ, ການສະໜອງຂໍ້ມູນຂ່າວສານກ່ຽວກັບການບຳລຸງສ້າງ, ເຕັກນິກໃນການສືບສວນ ຫຼືການສຶກສາປະຕິບັດກົດໝາຍສາກົນໃຫ້ແກ່ບັນດາພະນັກງານປະຕິບັດກົດໝາຍ, ໜູນຊ່ວຍສ້າງບັນດາຮາກຖານບຳລຸງສ້າງ, ຝຶກອົບຮົບໂດຍສອງຝ່າຍຕົກລົງກັນ ແລະ ເຫັນດີເປັນເອກະພາບ.
 (ແຫຼ່ງຄັດຈາກ VOV)