ທ່ານ ບູຍເທ໊ຢຸຍ ຮອງລັດຖະມົນຕີກະຊວງວິທະຍາສາດ ແລະ ເຕັກໂນໂລຊີ ຫວຽດນາມ
ກອງປະຊຸມຄັ້ງນີ້ດ້ວຍຈຸດປະສົງແມ່ນຊຸກຍູ້ບັນດາການຮ່ວມມືກ່ຽວກັບວິທະຍາສາດ - ເຕັກໂນໂລຊີ ແລະ ປ່ຽນແປງໃໝ່ຫົວຄິດປະດິດສ້າງລະຫວ່າງ 2 ປະເທດ, ພິເສດແມ່ນຊຸກຍູ້ການຮ່ວມມືລະຫວ່າງບັນດາສະຖາບັນຄົ້ນຄວ້າ, ມະຫາວິທະຍາໄລຂອງ ຫວຽດນາມ ແລະ ອາເມລິກາ, ກໍ່ຄືຊຸກຍູ້ການພົວພັນລະຫວ່າງສະຖາບັນຄົ້ນຄວ້າ, ມະຫາວິທະຍາໄລ ແລະ ວິສາຫະກິດຂອງ 2 ປະເທດ. ກ່າວຄຳເຫັນທີ່ກອງປະຊຸມຢ່າງເປັນທາງການ, ທ່ານ ບູຍເທ໊ຢຸຍ ຮອງລັດຖະມົນຕີກະຊວງວິທະຍາສາດ ແລະ ເຕັກໂນໂລຊີ ຫວຽດນາມ ໃຫ້ຮູ້ວ່າ:
ການຮ່ວມມືກ່ຽວກັບວິທະຍາສາດ - ເຕັກໂນໂລຊີ ແລະ ປ່ຽນແປງໃໝ່ຫົວຄິດປະດິດສ້າງລະຫວ່າງ 2 ປະເທດໃນຫລາຍປີຜ່ານມາ, ບັນດານັກວິທະຍາສາດຂອງ 2 ປະເທດໄດ້ມີໜ້າທີ່ຄົ້ນຄ້ວາລວມຫລາຍຢ່າງໃນຂົງເຂດຕ່າງໆ. ສຳລັບກອງປະຊຸມຄັ້ງນີ້, ພວກຂ້າພະເຈົ້າປາດຖະໜາຢາກຊຸກຍູ້ການຮ່ວມມືນັ້ນ ຂຶ້ນສູ່ລະດັບສູງໃໝ່, ພິເສດແມ່ນເນັ້ນໜັກເຖິງ ການຮ່ວມມືຄົ້ນຄວ້າຕ້ອງບັນລຸໄດ້ໝາກຜົນ ເພື່ອນຳເຂົ້າໃນການພັດທະນາ ກາຍເປັນຜະລິດຕະພັນຂອງບັນດາວິສາຫະກິດ ກໍ່ຄືຊຸກຍູ້ການພັດທະນາຂອງບັນດາວິສາຫະກິດ startup, ປ່ຽນແປງໃໝ່ຫົວຄິດປະດິດສ້າງ, ດຶງດູດຄວາມສົນໃຈຈາກບັນດາກອງທຶນຂອງ ອາເມລິກາ, ບັນດານັກຊ່ຽວຊານແຖວໜ້າຂອງ ອາເມລິກາ ເພື່ອສົມທົບກັບບັນດານັກຊ່ຽວຊານຢູ່ພາຍໃນປະເທດ ສ້າງຕັ້ງບັນດາວິສາຫະກິດ startup, ປ່ຽນແປງໃໝ່ຫົວຄິດປະດິດສ້າງຢູ່ ຫວຽດນາມ ໃຫ້ຫລາຍກ່ວາອີກ.
(ແຫຼ່ງຄັດຈາກ VOV)
