(ການ​ໂອ້​ລົມ​ສົນ​ທະ​ນາ)

      ຕອນບ​່າຍ​ວັນ​ທີ 06/03, ຢູ່​ຮ່າ​ໂນ້ຍ, ສະ​ມາ​ຄົມ​ຫວຽດ​ນາມ - ອາ​ເມ​ລິກ​າ (ສະ​ຫະ​ພັນ​ບັນ​ດາ​ອົງ​ການ​ຈັດ​ຕັ້ງ​ມິດ​ຕະ​ພາບ​ຫວຽດ​ນາມ) ໄດ້​ຈັດ​ການ​ໂອ້​ລົມ​ສົນ​ທະ​ນາ “ຫວຽດ​ນ​າມ - ອາ​ເມ​ລິ​ກາ ຄູ່​ຮ່ວມ​ມື​ຮອບ​ດ້ານ: ມາ​ນະ​ພະ​ຍາ​ຍາມ​ແກ້​ໄຂ​ບັນ​ຫາ​ທາດພິດ​ສີ​ສົ້ມ/ດີ​ໂອ​ຊິນ, ລູກ​ລະ​ເບ​ີດ ແລະ ​ທະ​ຫານ​ຫວຽດ​ນາມ ທີ່​ເສຍ​ສະ​ຫຼະ​ຊີ​ວິດ, ຫາຍ​ສາບ​ສູນ”.  ​ທີ່​ການ​ໂອ​້​ລົມ​ສົນ​ທະນາ, ທ່ານ ຫງວຽນ​ເຕີມ​ຈ໋ຽນ, ປະ​ທານ​ສະ​ມາ​ຄົມ​ຫວຽດ​ນາມ - ອາ​ເມ​ລິ​ກາ ໄດ້​ຮັບ​ຮູ້​​ອາ​ລົ​ມ​ຈິດ​ມິດ​ຕະ​ພາບ ແລະ ບັນ​ດາ​ການ​ປະ​ກອບ​ສ່ວນ​ຢ່າງ​ຕັ້ງ​ໜ້າ​ຂອງ​ບັນ​ດາ​​​ທະ​ຫານ​ຜ່ານ​ເສິກ​ອາ​ເມ​ລິ​ກາ ​ໃນ​ການ​ຊຸກ​ຍູ້ຮຳບາດ​ແ​ຜສົງ​ຄາມ​​ລະ​ຫວ່າງ 2 ປະ​ເທດໃນ​ໄລ​ຍະ​ຜ່ານ​ມາ. ສ່ວນ​ທ່ານ Chuck Searcy, ຮອງ​ປະ​ທານ​ອົງ​ການ​ທະ​ຫານ​ຜ່ານ​ເສິກອາ​ເມ​ລິກ​າ ເພື່ອ​ສັນ​ຕິ​ພາບ ແບ່ງ​ປັນ​ວ່າ: ບັນ​ດາ​ສະ​ມາ​ຊິກ​ໃນ​ຄະ​ນະ​ຜູ້​ແທນ​ຄັ້ງ​ນີ້​ມີ​ບາງ​ຄົນ​ບໍ່​ແມ່ນ​ ທະ​ຫານ​ຜ່ານ​ເສິກ​ລ້ວນ​ແຕ່​ມີ​ຈຸດ​ໝາຍ​ລວມ​ແມ່ນ​ຄັດ​ຄ້ານ​ສົງ​ຄາມ, ຢາກຮຳບາດ​ແ​ຜ​ສົງ​ຄາມ, ຊຸກ​ຍູ້​ສັນ​ຕິ​ພາບ​ມິດ​ຕະ​ພາບ​ຂອງ 2 ປະ​ເທດ. ບັນ​ດາ​ສະ​ມາ​ຊິກ​ໃນ​ຄະ​ນະ​ກໍ່​ປາດ​ຖະ​ໜາ​ຢາກ​ຊອກ​ຮູ້​ກ່ຽວ​ກັບ​ວິ​ວັດ​ການ​ແກ້​ໄຂ​ບັນ​ຫາທາດພິດ​ສີ​ສົ້ມ/ດີ​ໂອ​ຊິນ ແລະ ລະ​ເບີດບໍ່​ທັນ​ແຕກພາຍ​ຫຼັງ​ສົງ​ຄາມ​ຢູ່​ຫວຽດ​ນາມ ແລະ ໃຫ້​ຮູ້​ວ່າ, ຈະ​ມີ​ບັນ​ດາ​ຂໍ້​ສະ​ເໜີ​ສະ​ໜັບ​ສະ​ໜູນ​ໃຫ້​ການ​ຕໍ່​ສູ້ເພື່ອ​ທວງ​ເອົາ​ຄວາມ​ຍຸ​ຕິ​ທຳ​ໃຫ້​ບັນ​ດາ​ຜູ້​​ປະ​ສົບ​ເຄາະ​ຮ້າຍ​ຂ​ຈາກ​ທາດ​ພິດສີ​ສົ້ມ/ດີ​ໂອ​ຊິນ ຢູ່​ຫວຽດ​ນາມ.

(ແຫຼ່ງຄັດຈາກ VOV)