ຕອນຄ່ຳວັນທີ 27 ພຶດສະພາ, ຢູ່ຫໍສະພາແຫ່ງຊາດ, ທ່ານ ຫວູຫາຍຮ່າ, ປະທານຄະນະກຳມາທິການການຕ່າງປະເທດຂອງສະພາແຫ່ງຊາດຫວຽດນາມ ພ້ອມກັບຜູ້ຕາງໜ້າຜູ້ປະຈຳການຄະນະກຳມະການພົວພັນຕ່າງປະເທດເຂົ້າຮ່ວມກອງປະຊຸມຄົບຄະນະ ແລະ ວາລະອັດກອງປະຊຸມສະມັດຊາໃຫຍ່ສະຫະພັນລັດຖະສະພາສາກົນ (IPU) ຄັ້ງທີ 142. ທ່ານ Duarte Pacheco ປະທານ IPU ໄດ້ເປັນປະທານກອງປະຊຸມ 2 ຄັ້ງດັ່ງກ່າວ. ທີ່ກອງປະຊຸມຄົບຄະນະ, ບັນດາຜູ້ແທນສືບຕໍ່ແລກປ່ຽນກ່ຽວກັບຫຼາຍບັນຫາທີ່ກ່ຽວຂ້ອງເຖິງບັນຫາລວມແມ່ນ “ຜ່ານຜ່າໂລກລະບາດໃນປະຈຸບັນ ແລະ ສ້າງອະນາຄົດອັນດີງາມກວ່າ: ບົດບາດຂອງບັນດາລັດຖະສະພາ”. ກອງປະຊຸມກໍ່ໄດ້ຮັບຮອງເອົາບັນດາເນື້ອໃນຄື: ມະຕິກ່ຽວກັບຍຸດທະສາດລັດຖະສະພາເພື່ອເພີ່ມທະວີຄວາມສາມັກຄີ ແລະ ຄວາມໝັ້ນຄົງຕ້ານຄືນບັນດາໄພນາບຂູ່ ແລະ ການປະທະກັນໂດຍໄພພິບັດເຊິ່ງກ່ຽວຂ້ອງເຖິງການປ່ຽນແປງຂອງດິນຟ້າອາກາດ; ມະຕິກ່ຽວກັບການປະສານສົມທົບການຫັນເປັນດີຈີຕອນ ແລະ ພື້ນຖານເສດຖະກິດໝູນວຽນເພື່ອບັນລຸໄດ້ບັນດາເປົ້າໝາຍພັດທະນາແບບຍືນຍົງ.
        ໃນຂອບເຂດບັນດາການເຄື່ອນໄຫວຂອງກອງປະຊຸມສະມັດຊາໃຫຍ່ IPU-142, ບັນດາຄະນະກຳມະການປະຈຳການຂອງ IPU ກໍ່ໄດ້ປຶກສາຫາລື ແລະ ກອງປະຊຸມສະມັດຊາໃຫຍ່ IPU-142 ໄດ້ອອກມະຕິກ່ຽວກັບບັນດາບັນຫາສຳຄັນໃນຂົງເຂດຄວາມໝັ້ນຄົງ-ສັນຕິພາບ; ການພັດທະນາເສດຖະກິດແບບຍືນຍົງ; ບັນດາເນື້ອໃນອື່ນໆທີ່ກ່ຽວຂ້ອງເຖິງບັນຫາຂອງສະຫະປະຊາຊາດ…

 (ແຫຼ່ງຄັດຈາກ VOV)