03/04/2021 10:03 GMT+7 Email Print Like 0

ຫວຽດນາມ-ອາເມລິກາ ມຸ່ງໄປເຖິງການພັດທະນາດ້ານການຄ້າແບບຍືນຍົງ

      2 ຝ່າຍລ້ວນແຕ່ເຫັນດີເປັນເອກະພາບຢືນຢັນວ່າ, ພາຍຫຼັງໄລຍະ 25 ປີແຫ່ງການຫັນການພົວພັນເປັນປົກກະຕິ, ດ້ວຍຄວາມມານະພະຍາຍາມຢ່າງບໍ່ຮູ້ອິດຮູ້ເມື່ອຍຂອງບັນດາການນຳ 2 ປະເທດເວົ້າລວມ
ການໂອ້ລົມທາງໂທລະສັບ
(ພາບ: bnews.vn)
      ເພື່ອແນໃສ່ເພີ່ມທະວີການຮ່ວມມືລະຫວ່າງຫວຽດນາມ - ອາເມລິກາ, ທ່ານ ເຈິ່ນຕ໊ວນແອັງ, ຫົວໜ້າຄະນະເສດຖະກິດສູນກາງ, ລັດຖະມົນຕີກະຊວງອຸດສາຫະກຳ ແລະ ການຄ້າ, ປະທານສະພາການຄ້າ ແລະ ການລົງທຶນຫວຽດນາມ - ອາເມລິກາ (TIFA) ຫາກໍ່ມີການໂອ້ລົມທາງໂທລະສັບກັບທ່ານນາງ Katherine Tai ຫົວໜ້າຜູ້ຕາງໜ້າດ້ານການຄ້າອາເມລິກາ (USTR) ເພື່ອແລກປ່ຽນກ່ຽວກັບບັນດາບັນຫາເສດຖະກິດ, ການຄ້າ 2 ຝ່າຍລະຫວ່າງ 2 ປະເທດ.
        ທີ່ການໂອ້ລົມ, 2 ຝ່າຍລ້ວນແຕ່ເຫັນດີເປັນເອກະພາບຢືນຢັນວ່າ, ພາຍຫຼັງໄລຍະ 25 ປີແຫ່ງການຫັນການພົວພັນເປັນປົກກະຕິ, ດ້ວຍຄວາມມານະພະຍາຍາມຢ່າງບໍ່ຮູ້ອິດຮູ້ເມື່ອຍຂອງບັນດາການນຳ 2 ປະເທດເວົ້າລວມ, ພ້ອມກັບການຮ່ວມມືຢ່າງແໜ້ນແຟ້ນ, ມີປະສິດທິຜົນລະຫວ່າງກະຊວງອຸດສາຫະກຳ ແລະ ການຄ້າຫວຽດນາມ ແລະ ອົງການຕາງໜ້າການຄ້າອາເມລິກາ ສວມບົດບາດເປັນປະທານຮ່ວມຂອງສະພາສັນຍາແມ່ກ່ຽວກັບການຄ້າ, ການລົງທຶນ 2 ຝ່າຍ (TIFA), ກໍຄືຂອງບັນດາກະຊວງ, ຂະແໜງການ ແລະ ວິສາຫະກິດຂອງ 2 ປະເທດເວົ້າສະເພາະ. ສິ່ງທີ່ໜ້າສົນໃຈນັ້ນແມ່ນ, ການພົວພັນທາງດ້ານເສດຖະກິດ, ການຄ້າ 2 ຝ່າຍລະຫວ່າງຫວຽດນາມ ແລະ ອາເມລິກາ ບັນລຸໄດ້ຜົນງານແທດຈິງຫຼາຍຢ່າງ, ຕອບສະໜອງໄດ້ຜົນປະໂຫຍດຂອງລັດຖະບານ, ປະຊາຊົນ ແລະ ປະຊາຄົມວິສາຫະກິດຂອງ 2 ປະເທດ.
        ໃນໄລຍະຈະມາເຖິງ, ບັນດາກະຊວງ, ຂະແໜງການຂອງຫວຽດນາມ ແລະ ອາເມລິກາ ຈະສືບຕໍ່ເປັນເຈົ້າການຮ່ວມມືເພື່ອແກ້ໄຂຄວາມສົນໃຈລະຫວ່າງ 2 ປະເທດຢ່າງຮອບດ້ານ. ຜ່ານນັ້ນ, ກໍ່ຮັກສາການພົວພັນດ້ານການຄ້າໃຫ້ເປັນປົກກະຕິ, ມຸ່ງໄປເຖິງດຸນການຄ້າທີ່ປະສົມກົມກ່ຽວ, ໝັ້ນຄົງ, ຕ່າງຝ່າຍຕ່າງມີຜົນປະໂຫຍດ.
(ແຫຼ່ງຄັດຈາກ VOV)