ຫວຽດນາມເອົາໃຈໃສ່ເປັນພິເສດເຖິງການພັດທະນາໄຟຟ້ານິວເຄຼຍ
(ພາບ: ອິນເຕີແນດ)
ເພື່ອຮັບມືກັບໄພຂາດເຂີນແຫຼ່ງພະລັງງານທີ່ເປັນມູນເຊື້ອໃນປະຈຸບັນ, ຫວຽດນາມ ຈະສຸມໃສ່ ພັດທະນາໄຟຟ້ານິວເຄຼຍ ແທນໃຫ້ວິທີຜະລິດໄຟຟ້າແບບເກົ່າ, ທີ່ປ່ອຍອາຍແກສເຮືອນແກ້ວຫຼາຍ. ຕາມແຜນຮ່າງປັບປຸງແຜນຜັງພັດທະນາໄຟຟ້າແຫ່ງຊາດໄລຍະ 2011-2020, ໄຟຟ້ານິວເຄຼຍ ແມ່ນການເລືອກເຟັ້ນທີ່ເໝາະສົມ, ປະກອບສ່ວນຊຸກຍູ້ບັນດາຂະແໜງອຸດສາຫະກຳພາຍໃນປະເທດໃຫ້ພັດທະນາ. ຕາມທ່ານ ຮ່ວາງແອງຕ໋ວນ, ຫົວໜ້າກົມພະລັງງານປາລະມະນູ, ກະຊວງວິທະຍາສາດ ແລະ ເຕັກໂນໂລຢີແລ້ວ, ປະຈຸບັນ, ວຽກງານສຳຫຼວດທໍລະນີສາດ, ອຸທົກກະສາດ, ສິ່ງແວດລ້ອມ… ແລະ ແຜນຜັງສະຖານທີ່ກໍ່ສ້າງໂຮງງານ ໄຟຟ້ານິວເຄຼຍ ສອງແຫ່ງຢູ່ແຂວງ ນິງທ້ວນໄດ້ສຳເລັດໂດຍພື້ນຖານແລ້ວ. ວຽກງານກໍ່ສ້າງຊັບພະຍາກອນມະນຸດ ທີ່ກ່ຽວຂ້ອງເຖິງການກໍ່ສ້າງ, ການເຄື່ອນໄຫວ, ຮັບປະກັນຄວາມປອດໄພໃນການແຜ່ກຳມັນຕະພາບລັງສີ… ສຳລັບໂຮງງານ ໄຟຟ້ານິວເຄຼຍພວມໄດ້ຮັບການຜັນຂະຫຍາຍຢ່າງຕັ້ງໜ້າ.
(ແຫຼ່ງຄັດຈາກ VOV)