ຂ່າວສານ

ຫວຽດນາມຕີລາຄາສູງບັນດາຄວາມມານະພະຍາຍາມຈັດຕັ້ງກອງປະຊຸມເຈລະຈາຂັ້ນສຸດຍອດລະຫວ່າງສ.ເກົາຫຼີແລະສປປ.ເກົາຫຼີ

29/04/2018

ວັນທີ 27 ເມສາ, ໂຄສົກກະຊວງການຕ່າງປະເທດຫວຽດນາມ ທ່ານນາງ ເລທິທູຮັ່ງ ໃຫ້ຮູ້ວ່າ

ໂຄສົກກະຊວງການຕ່າງປະເທດຫວຽດນາມ ທ່ານນາງ ເລທິທູຮັ່ງ
(ພາບ: news.zing.vn)

“ຫວຽດນາມ ຊົມເຊີຍ ແລະ ຕີລາຄາສູງບັນດາຄວາມມານະພະຍາຍາມຂອງສ.ເກົາຫຼີ ແລະ ສປປ.ເກົາຫຼີ ໃນການຈັດຕັ້ງສຳເລັດກອງປະຊຸມເຈລະຈາຂັ້ນສຸດຍອດລະຫວ່າງສ.ເກົາຫຼີ ແລະ ສປປ.ເກົາຫຼີ, ອັນໄດ້ປະກອບສ່ວນສຳຄັນໃຫ້ແກ່ສັນຕິພາບ, ສະຖຽນລະພາບຂອງພາກພື້ນ ແລະ ໃນໂລກ, ໃນນັ້ນມີເລື່ອງຊຸກຍູ້ການປອດນິວເຄຼຍ ຢູ່ໃນແຫຼມເກົາຫຼີ. ຫວຽດນາມ ເຊື່ອໝັ້ນວ່າ, ສ.ເກົາຫຼີ ແລະ ສປປ.ເກົາຫຼີ ພ້ອມກັບບັນດາຝ່າຍທີ່ກ່ຽວຂ້ອງຈະສືບຕໍ່ມານະພະຍາຍາມຊຸກຍູ້ການເຈລະຈາ, ເສີມຂະຫຍາຍບັນດາໝາກຜົນທີ່ບັນລຸໄດ້ໃນໄລຍະຜ່ານມາ, ສ້າງເປັນພື້ນຖານອັນຍາວນານໃຫ້ແກ່ສັນຕິພາບ, ສະຖຽນລະພາບ, ການພັດທະນາຢູ່ແຫຼມເກົາຫຼີ ແລະ ໃນພາກພື້ນ, ຕອບສະໜອງຄວາມມຸ່ງມາດປາດຖະໜາຂອງປະຊາຊົນສ.ເກົາຫຼີ ແລະ ສປປ.ເກົາຫຼີ ກໍຄືເພື່ອຜົນປະໂຫຍດລວມຂອງປະຊາຄົມສາກົນ”.

(ແຫຼ່ງຄັດຈາກ VOV)

ຫວຽດນາມ ແບ່ງປັນຄວາມຮັບຜິດຊອບໃນການປ້ອງກັນຄວາມປອດໄພທາງອິນເຕີເນັດ

22/10/2025
ຂ່າວສານ

“ສົນທິສັນຍາ ຮ່າໂນ້ຍ”, ເອກະສານນິຕິກຳສະບັບທຳອິດຂອງ ສປຊ ກ່ຽວກັບການຕ້ານອາດຊະຍາກຳທາງເຄືອຂ່າຍອິນເຕີເນັດ ທີ່ໄດ້ຮັບຮອງໂດຍສະມັດຊາໃຫຍ່ ສປຊ ໃນວັນທີ 24 ທັນວາ 2024 ແລະ ໄດ້ເປີດພິທີລົງນາມຢ່າງເປັນທາງການ ຢູ່ຮ່າໂນ້ຍໃນວັນທີ 25 – 26 ຕຸລາ 2025, ພາຍໃຕ້ການເປັນປະທານຮ່ວມຂອງທ່ານປະທານປະເທດ ຫວຽດນາມ ເລືອງເກື່ອງ ແລະ ທ່ານເລຂາທິການໃຫຍ່ ສປຊ Antonio Guterres. ເຫດການນີ້ບໍ່ພຽງແຕ່ເປີດໜ້າປະຫວັດສາດໃໝ່ໃນການຮ່ວມມືທົ່ວໂລກກ່ຽວກັບຄວາມໝັ້ນຄົງທາງເຄືອຂ່າຍອິນເຕີເນັດ ເທົ່ານັ້ນຫາກຍັງຢັ້ງຢືນບົດບາດ ແລະ ຄວາມຮັບຜິດຊອບຂອງຫວຽດນາມ ໃນການແບ່ງປັນຄວາມຮັບຜິດຊອບໃນການປ້ອງກັນຄວາມປອດໄພທາງອິນເຕີເນັດອີກດ້ວຍ.