04/08/2019 08:26 GMT+7 Email Print Like 0

ຫວຽດນາມຕາງຫນ້າ ອາຊຽນ ສະແດງຄວາມວິຕົກກັງວົນກ່ຽວກັບສະພາບການເດັກນ້ອຍໃນການປະທະກັນດ້ວຍການປະກອບອາວຸດ

ຄວາມວິຕົກກັງວົນກ່ຽວກັບສະພາບການເດັກນ້ອຍໃນການປະທະກັນດ້ວຍການປະກອບອາວຸດ ແມ່ນການລາຍງານຂອງຫວຽດນາມ ຢູ່ ວາລະປະຊຸມເປີດຂອງ ສປຊ ກ່ຽວກັບເດັກນ້ອຍ ແລະ ການປະທະກັນດ້ວຍການປະກອບອາວຸດ ໃນວັນທີ 2 ສິງຫາ ຢູ່ ນິວຢອກ. 


ເດັກຢູ່ ຄ້າຍຊົ່ວຄາວ Ankara, ປະເທດ ຕວກກີ

ພາບ:vietnam+


ເມື່ອຕາງຫນ້າໃຫ້ຫວຽດນາມ ກ່າວຄຳເຫັນ ທີ່ ສປຊ, ທ່ານ ດັ້ງດີງກູຍ ຫົວຫນ້າຄະນະຜູ້ຕາງຫນ້າຫວຽດນາມ ປະຈຳ ສປຊ ໄດ້ເນັ້ນຫນັກວ່າ: ເຖິງ ວ່າ ອາຊຽນ ຮັບຮູ້ຄວາມຄືບຫນ້າ ແຕ່ສະພາບການເດັກນ້ອຍໃນການປະທະກັນດ້ວຍການປະກອບອາວຸດ ເບິ່ງລວມແລ້ວ ຍັງແມ່ນບັນຫາເປັນຫນ້າວິຕົກກັງວົນ. ທ່ານ ດັ້ງດີງກູຍ ຢຶນຢັນວ່າ: ອາຊຽນ ຍາມໃດກໍ່ມີຄວາມເອົາໃຈໃສ່, ຖືເປັນສຳຄັນການຊຸກຍູ້ຄວາມມາພະຍາຍາມຮັບປະກັນສິດຂອງເດັກນ້ອຍໃນການປະທະກັນດ້ວຍການປະກອບອາວຸດ ຢູ່ທັງລະດັບຊາດ ແລະ ພາກພື້ນ ຜ່ານບັນດາການເຄື່ອນໄຫວຄື: ການເຈລະຈາ ອາຊຽນ ກ່ຽວກັບສົນທິສັນຍາກ່ຽວກັບສິດຂອງເດັກນ້ອຍ, ການເຈລະຈາປະຈຳປີ ລະຫວ່າງ ຄະນະກຳມະການ ອາຊຽນ ກ່ຽວກັບການຊຸກຍູ້ ແລະຮັບປະກັນສິດແມ່ຍິງ, ເດັກຍິງ ກັບ ຜູ້ຕາງຫນ້າພິເສດຂອງ ເລຂາທິການໃຫຍ່ ສປຊ ກ່ຽວກັບ ການໃຊ້ຄວາມຮຸນແຮງຕໍ່ເດັກ.
(ແຫຼ່ງຄັດຈາກ VOV)