ຂ່າວສານ

ຫວຽດນາມຕັ້ງໜ້າກະກຽມໃຫ້ແກ່ກອງກຳລັງຊ່າງແສງ ທີ່ເຂົ້າຮ່ວມການເຄື່ອນໄຫວຮັກສາສັນຕິພາບແຫ່ງ ສ.ປ.ຊ

19/02/2019

ຕອນເຊົ້າວັນທີ 18 ກຸມພາ, ຢູ່ ຮ່າໂນ້ຍ, ກະຊວງປ້ອງກັນປະເທດຫວຽດນາມໄດ້ຈັດກອງປະຊຸມຄະນະຊີ້ນຳຂອງກະຊວງກ່ຽວກັບການເຂົ້າຮ່ວມການເຄື່ອນໄຫວຮັກສາສັນຕິພາບແຫ່ງ ສ.ປ.ຊ ເພື່ອແນໃສ່ກວດກາວຽກງານກະກຽມ ແລະ ແກ້ໄຂຄວາມຫຍຸ້ງຍາກ, ສິ່ງທີ່ຄ້າງຄາຂອງກອງກຳລັງຊ່າງແສງ ທີ່ເຂົ້າຮ່ວມການເຄື່ອນໄຫວຮັກສາສັນຕິພາບແຫ່ງ ສ.ປ.ຊ

ທ່ານພົນໂທ ຫງວຽນຈີ້ວີ້ງ ເປັນປະທານກອງປະຊຸມ

ກ່າວຄຳເຫັນທີ່ກອງປະຊຸມ, ທ່ານພົນໂທ ຫງວຽນຈີ້ວີ້ງ ຮອງລັດຖະມົນຕີກະຊວງປ້ອງກັນປະເທດ ໄດ້ຢືນຢັນວ່າ : ກົມການເມືອງສູນກາງພັກ ໄດ້ເຫັນດີກ່ຽວກັບແຜນນະໂຍບາຍເພື່ອໃຫ້ກະຊວງປ້ອງກັນປະເທດ ຜັນຂະຫຍາຍກອງກຳລັງຊ່າງແສງ ທີ່ເຂົ້າຮ່ວມການເຄື່ອນໄຫວຮັກສາສັນຕິພາບແຫ່ງ ສ.ປ.ຊ. ບົນພື້ນຖານນັ້ນ, ກະຊວງປ້ອງກັນປະເທດ ໄດ້ເຫັນດີຕໍ່ແຜນນະໂຍບາຍຈັດສົ່ງກອງກຳລັງຊ່າງແສງ ເພື່ອທົດແທນກອງກຳລັງຊ່າງແສງຂອງລາຊະອານາຈັກອັງກິດໃນປີ 2020.

(ແຫຼ່ງຄັດຈາກ VOV)

ປະທານາທິບໍດີ ແຟງລັງ ເປັນປະທານພິທີຕ້ອນຮັບທ່ານເລຂາທິການໃຫຍ່ ໂຕເລິມ ພ້ອມດ້ວຍພັນລະຍາ ແລະ ຄະນະຜູ້ແທນ ຫວຽດນາມ ຢ່າງເປັນທາງການ

21/10/2025
ຂ່າວສານ

ຕອນເຊົ້າວັນທີ 21 ຕຸລາ (ຕາມເວລາທ້ອງຖິ່ນ, ກົງກັບຕອນບ່າຍຕາມເວລາ ຮ່າໂນ້ຍ), ຢູ່ທຳນຽບປະທານາທິບໍດີ ຢູ່ ນະຄອນຫຼວງ Helsinki, ທ່ານປະທານາທິບໍດີ ສ. ແຟງລັງ Alexander Stubb ແລະ ພັນລະຍາ ໄດ້ເປັນປະທານພິທີຕ້ອນຮັບທ່ານເລຂາທິການໃຫຍ່ຄະນະບໍລິຫານງານສູນກາງພັກກອມມູນິດ ຫວຽດນາມ ໂຕເລິມ ແລະ ພັນລະຍາ ພ້ອມດ້ວຍຄະນະຜູ້ແທນຂັ້ນສູງ ຫວຽດນາມ ມາຢ້ຽມຢາມ ແຟງລັງ ຢ່າງເປັນທາງການ ແຕ່ວັນທີ 20 – 22 ຕຸລາ.