12/10/2019 05:21 GMT+7 Email Print Like 0

ສົ່ງເສີມການຮ່ວມມືດ້ານການທ່ອງທ່ຽວລະຫວ່າງບັນດາແຂວງພາກໃຕ້ຂອງລາວກັບ 4 ແຂວງທາງພາກກາງຫວຽດນາມ

ກອງປະຊຸມເປັນການຢືນຢັນຄວາມສາມາດບົ່ມຊ້ອນດ້ານການທ່ອງທ່ຽວຂອງ 4 ແຂວງທາງພາກໃຕ້ຂອງລາວ ກໍ່ຄືບັນດາແຂວງ, ນະຄອນທາງພາກກາງຂອງຫວຽດນາມ.


ກອງປະຊຸມສົ່ງເສີມການລົງທຶນດ້ານການທ່ອງທ່ຽວ 

(ພາບ: truyenhinhdulich.vn)


ສະຖານກົງສູນໃຫຍ່ຫວຽດນາມ ປະຈຳແຂວງ ຈຳປາສັກ ຫາກໍ່ສົມທົບກັບບັນດາທ້ອງຖິ່ນຈັດກອງປະຊຸມສົ່ງເສີມການລົງທຶນດ້ານການທ່ອງທ່ຽວລະຫ່າງ 3 ແຂວງທາງພາກໃຕ້ຂອງລາວ ແມ່ນ: ອັດຕະປື, ເຊກອງ, ສາລະວັນ ກັບ 4 ແຂວງ, ນະຄອນຂອງຫວຽດນາມ ແມ່ນ: ດ່ານັ້ງ, ເທື່ອທຽນ - ເຫ້ວ, ກອນຕຸມ ແລະ ບິ່ງດິ້ງ. ເຂົ້າຮ່ວມເຫດການຍັງມີທ່ານ ວຽງໄຊ ພົມມະຈັນ, ຫົວໜ້າສະຖານກົງສູນລາວ ປະຈຳດ່ານັ້ງ, ການນຳແຂວງຈຳປາສັກ ພ້ອມກັບວິສາຫະກິດທ່ອງທ່ຽວຂອງ 2 ປະເທດ 30 ແຫ່ງ.

        ກອງປະຊຸມເປັນການຢືນຢັນຄວາມສາມາດບົ່ມຊ້ອນດ້ານການທ່ອງທ່ຽວຂອງ 4 ແຂວງທາງພາກໃຕ້ຂອງລາວ ກໍ່ຄືບັນດາແຂວງ, ນະຄອນທາງພາກກາງຂອງຫວຽດນາມ. ພ້ອມທັງໄຈ້ແຍກ, ເຮັດແຈ້ງບັນດາຄວາມຫຍຸ້ງຍາກໃນການເຄື່ອນໄຫວດ້ານການທ່ອງທ່ຽວໃນປະຈຸບັນ, ຜ່ານນັ້ນສະເໜີມາດຕະການແກ້ໄຂບັນດາສິ່ງຈຳກັດກ່ຽວກັບດ້ານລະບຽບການບໍລິຫານ, ການເຂົ້າອອກເມືອງ, ຄວາມສະຫງົບ, ພື້ນຖານໂຄງລ່າງ… ບັນດາວິສາຫະກິດ 2 ຝ່າຍໄດ້ແລກປ່ຽນບົດຮຽນໃນການຈັດຕັ້ງບັນດາລາຍການທ່ອງທ່ຽວຂ້າມຊາຍແດນລະຫວ່າງ 2 ປະເທດ; ສະເໜີບັນດາລາຍການເຊື່ອມຕໍ່ການສົ່ງເສີມດ້ານການຄ້າ ແລະ ດຶງດູດການລົງທຶນພັດທະນາບັນດາສະຖານທີ່ທ່ອງທ່ຽວລະອຽດຢູ່ບັນດາເຂດທີ່ມີຄວາມສາມາດບົ່ມຊ້ອນ; ສ້າງບັນດາຜະລິດຕະພັນ, ຮູບການທ່ອງທ່ຽວທີ່ເໝາະສົມໃຫ້ທັງ 2 ຝ່າຍ…

        ການນຳຂະແໜງທ່ອງທ່ຽວບັນດາແຂວງທາງພາກໃຕ້ຂອງລາວ ໄດ້ແນະນຳຄວາມສາມາດບົ່ມຊ້ອນ, ທ່າແຮງດ້ານການທ່ອງທ່ຽວຂອງທ້ອງຖິ່ນຕົນ ດ້ວຍລະບົບພູຜາປາໄມ້ທີ່ໃຫຍ່ໂຕມະໂຫຖານ, ນ້ຳຕົກຕາດ, ຖ້ຳທຳມະຊາດທີ່ສວຍງາມ, ວັດທະນະທຳອາຫານການກິນທີ່ເປັນເອກະລັກສະເພາະ.

(ແຫຼ່ງຄັດຈາກ VOV)