30/07/2020 09:22 GMT+7 Email Print Like 0

ສື່​ມວນ​ຊົນ​ສາກົນ: ຫວຽດນາມ ສາມາດ​ຄວບ​ຄຸມ​ໂລກລະບາດ​ໂຄ​ວິດ - 19 ​ໄດ້

ມີຫຼາຍປັດໄຈສະແດງໃຫ້ເຫັນວ່າ ຫວຽດນາມ ສາມາດຄວບຄຸມສະພາບການດັ່ງກ່າວໄດ້. ຍ້ອນບັນດາມາດຕະການປ້ອງກັນ, ສະກັດກັ້ນໂລກລະບາດນັບແຕ່ຫົວທີ,  ລັດຖະບານ ຫວຽດນາມ ໄດ້ຄວບຄຸມໂລກລະບາດໂຄວິດ - 19 ໃນ 2 ຄັ້ງກ່ອນໄດ້ຢ່າງສໍາເລັດຜົນ.

ປິດນະຄອນດ່າໜັງ (ພາບ: TTXVN) 

ວັນທີ 28 ກໍລະກົດ, ວາລະສານ Bloomberg News ໄດ້ລົງບົດຂຽນ ໂດຍໃຫ້ຮູ້ວ່າ, ພາຍຫຼັງກວດພົບກໍລະນີຕິດເຊື້ອໂຄວິດ - 19 ໃນຊຸມຊົນຢູ່ນະຄອນດ່າໜັງ, ລັດຖະບານຫວຽດນາມໄດ້ຜັນຂະຫຍາຍບັນດາມາດຕະການແຍກຫ່າງໃນສັງຄົມ ແລະ ປະກາດບັນດາມາດຕະການປ້ອງກັນໂລກລະບາດຢ່າງວ່ອງໄວ, ໃນນັ້ນ ໄດ້ກໍານົດໃສ່ຜ້າອັດປາກ - ອັດດັງຢູ່ສະຖານທີ່ສາທາລະນະ. ໃນວັນດຽວກັນ, ເວັບໄຊ Nikkei ຂອງ ຍີ່ປຸ່ນ ກໍໃຫ້ຂ່າວວ່າ, ທ່ານນາຍົກລັດຖະມົນຕີ ຫງວຽນຊວັນຟຸກ ໄດ້ຮຽກຮ້ອງອໍານາດການປົກຄອງທ້ອງຖິ່ນຕ່າງໆຄວບຄຸມບັນດາເປົ້າໝາຍ ເຊິ່ງເປັນຊາວຕ່າງປະເທດເຂົ້າເມືອງຫວຽດນາມ ຢ່າງຜິດກົດໝາຍໃຫ້ແໜ້ນແຟ້ນກວ່າອີກ ເພື່ອແນໃສ່ສະກັດກັ້ນຄວາມສ່ຽງແຜ່ເຊື້ອພະຍາດ.

        ໃນຂະນະນັ້ນ, ບົດຂຽນໄດ້ເອົາລົງ ໃນວາລະສານ The Diplomat ໃນວັນທີ 27 ກໍລະກົດ ໃຫ້ຂໍ້ສັງເກດວ່າ ມີຫຼາຍປັດໄຈສະແດງໃຫ້ເຫັນວ່າ ຫວຽດນາມ ສາມາດຄວບຄຸມສະພາບການດັ່ງກ່າວໄດ້. ຍ້ອນບັນດາມາດຕະການປ້ອງກັນ, ສະກັດກັ້ນໂລກລະບາດນັບແຕ່ຫົວທີ,  ລັດຖະບານ ຫວຽດນາມ ໄດ້ຄວບຄຸມໂລກລະບາດໂຄວິດ - 19 ໃນ 2 ຄັ້ງກ່ອນໄດ້ຢ່າງສໍາເລັດຜົນ, ໂດຍໄດ້ສະແດງຜ່ານຈໍານວນຜູ້ຕິດເຊື້ອໜ້ອຍ ແລະ ບໍ່ມີກໍລະນີເສຍຊີວິດ. ນີ້ໄດ້ຮັບຖືວ່າ ແມ່ນຫຼັກຖານເພື່ອມີຄວາມເຊື່ອໝັ້ນວ່າ ຫວຽດນາມ ສາມາດແກ້ໄຂການແຜ່ລະບາດຄັ້ງນີ້ໄດ້. 

(ແຫຼ່ງຄັດຈາກ VOV)