Micro ທີ່ປະທານໂຮ່ຈີມິນກ່າວບົດຖະແຫຼງການເອກະລາດ ໃນວັນທີ 2 ກັນຍາ 1945 (ພາບ: baotintuc.vn)
ໜັງສືພິມລາຍວັນ Granma ໄດ້ລົງພິມບົດຂຽນກ່ຽວກັບຊີວິດຂອງ ປະທານໂຮ່ຈີມິນຂອງນັກຂ່າວອາວຸໂສ Marta Rojas. ຜູ້ຂຽນ ໄດ້ຫວນຄືນບັນດາຈຸດພົ້ນເດັ່ນໃນແຕ່ລະໄລຍະທີ່ແຕກຕ່າງກັນໃນພາລະກິດແຫ່ງການປະຕິວັດຂອງ ປະທານໂຮ່ຈີມິນ.
ໃນຂະນະນັ້ນ, ສອງບົດຂຽນທີ່ມີຫົວຂໍ້ວ່າ “ຫວຽດນາມ ໄຊຊະນະຕະຫຼອດການ” ຂອງ Prensa Latina ແລະ “ຫວຽດນາມ: 75 ປີ ແຫ່ງພື້ນຖານເອກະລາດປະທານໂຮ່ຈີມິນ” ຂອງ Cubadebate ໄດ້ພັນລະນາຄືນວິວັດແຫ່ງການຕໍ່ສູ້ຢ່າງບໍ່ຢຸດຢັ້ງຂອງຊາດຫວຽດນາມ ໃນ 3/4 ສະຕະວັດຜ່ານມາ, ນັບແຕ່ຕໍ່ສູ້ປົກປັກຮັກສາປະເທດຊາດ ຕະຫຼອດຮອດການສ້າງສາ ແລະ ພັດທະນາປະເທດຊາດ.ໜັງສືພິມ Juventud Rebelde ອົງການກະບອກສຽງຂອງ ຄະນະຊາວໜຸ່ມກອມມູນິດ ກູບາ, ໄດ້ລົງພິມບົດຂຽນ ດ້ວຍຫົວຂໍ້ “ຈາກ ກູບາ, ລຸງໂຮ່ສົ່ງສານແຫ່ງຄວາມຮັກແພງ ເຖິງຫວຽດນາມ” ກໍໄດ້ຢັ້ງຢືນເຖິງອາລົມຈິດຄວາມຮັກແພງເປັນພິເສດທີ່ຕິດພັນກັບພັກ, ລັດ ແລະ ປະຊາຊົນສອງປະເທດ.
ເນື່ອງໃນໂອກາດນີ້, ບັນດາອົງການສື່ສວນຊົນຂອງທ້ອງຖິ່ນຕ່າງໆ, ບັນດາລາຍການກະຈາຍສຽງ ແລະ ຊ່ອງໂທລະພາບຂອງ ກູບາ ກໍໄດ້ສົ່ງຄຳອວຍພອນຂອງການນຳພັກ ແລະ ລັດ ກູບາ ມາຍັງການນຳພັກ, ລັດ ແລະ ປະຊາຊົນ ຫວຽດນາມ ແລະ ໃຫ້ຂ່າວຫຼາຍຢ່າງຫຼວງຫຼາຍກ່ຽວກັບບັນດາການເຄື່ອນໄຫວສະເຫຼີມສະຫຼອງຢູ່ຫວຽດນາມ ກໍຄືບັນດາພາບພົດປະເທດ ຫວຽດນາມໃນວັນນີ້.
(ແຫຼ່ງຄັດຈາກ VOV)
