17/01/2021 10:08 GMT+7 Email Print Like 0

ສື່ມວນ​ຊົນ ​ຖ່າຍ​ທອດ​ພາບ​ພົດ​ຂອງ ຫວຽດ​ນາມ ໃຫ້​ເພື່ອນ​ມິດ​ສາ​ກົນ ຢ່າງມີ​ຊີ​ວິດ​ຊີ​ວາ ແລະ ຖືກ​ຕ້ອງ​ຕາມ​ຄວາມ​ຈິງ

ວັນທີ 15 ມັງກອນ, ຢູ່ຮ່າໂນ້ຍ, ທ່ານຮອງລັດຖະມົນຕີກະຊວງການຕ່າງປະເທດຫວຽດນາມ ຫງວຽນກວ໊ກຢຸງ ໄດ້ມີການພົບປະກັບນັກຂ່າວສາກົນ ປະຈຳ ຫວຽດນາມ ແລະ ທູດວັດທະນະທຳ, ສື່ມວນຊົນ, ຫົວໜ້າອົງການຜູ້ຕາງໜ້າບັນດາປະເທດປະຈຳ ຫວຽດນາມ ເນື່ອງໃນໂອກາດປີໃໝ່ 2021.
ທ່ານຮອງລັດຖະມົນຕີກະຊວງການຕ່າງປະເທດຫວຽດນາມ ກັບນັກຂ່າວສາກົນ ປະຈຳ ຫວຽດນາມ ແລະ ທູດວັດທະນະທຳ, ສື່ມວນຊົນ, ຫົວໜ້າອົງການຜູ້ຕາງໜ້າບັນດາປະເທດປະຈຳ ຫວຽດນາມ (ພາບ: TTXVN)

ກ່າວຄຳເຫັນນະທີ່ນີ້, ທ່ານຮອງລັດຖະມົນຕີກະຊວງການຕ່າງປະເທດຫວຽດນາມ ຫງວຽນກວ໊ກຢຸງ ໄດ້ສະແດງຄວາມປາດຖະໜາ ແລະ ເຊື່ອໝັ້ນວ່າ ກະຊວງການຕ່າງປະເທດ ຫວຽດນາມ ຈະສືບຕໍ່ໄດ້ຮັບການຮ່ວມມືຈາກຖັນແຖວນັກຂ່າວ, ທູດວັດທະນະທຳ, ສື່ມວນຊົນຕ່າງປະເທດ ປະຈຳ ຫວຽດນາມ ເພື່ອສື່ຂ່າວ, ພາບພົດກ່ຽວກັບປະເທດ ຫວຽດນາມ ໄປເຖິງເພື່ອນມິດສາກົນ ຢ່າງແຮງ, ຖືກຕ້ອງຕາມຄວາມຈິງ ແລະ ມີຊີວິດຊີວາ. ທ່ານຮອງລັດຖະມົນຕີກະຊວງການຕ່າງປະເທດຫວຽດນາມ ຫງວຽນກວ໊ກຢຸງ ເນັ້ນໜັກວ່າ ປີ 2020 ຜ່ານມາ, ຫວຽດນາມ ໄດ້ປະຕິບັດສຳເລັດໜ້າທີ່ຄວບຄູ່ - ປະທານ ອາຊຽນ 2020 ແລະ ກຳມະການບໍ່ປະຈຳການສະພາຄວາມໝັ້ນຄົງ ສປຊ ອາຍຸການ 2020 – 2021; ຍູ້ແຮງການຮ່ວມສຳພັນເສດຖະກິດສາກົນ ຜ່ານການປະຕິບັດສຳເລັດ ແລະ ລົງມືປະຕິບັດສັນຍາການຄ້າເສລີສອງຝ່າຍ ແລະ ຫຼາຍຝ່າຍ ທີ່ສຳຄັນ, ໃນນັ້ນ ມີສັນຍາການຄ້າເສລີ ຫວຽດນາມ - ອີຢູ (EVFTA).
(ແຫຼ່ງຄັດຈາກ VOV)