ວັນທີ 02 ຕຸລາ, ບັນດາສຳນັກຂ່າວສານ ແລະ ອົງການສື່ມວນຊົນສາກົນໄດ້ພ້ອມກັນໃຫ້ຂ່າວກ່ຽວກັບເລື່ອງທ່ານອະດີດເລຂາທິການໃຫຍ່ຄະນະບໍລິຫານງານສູນກາງພັກກອມມູນິດຫວຽດນາມ ໂດ໊ເມື່ອຍ ເຖິງແກ່ມໍລະນະກຳ.
        ສຳນັກຂ່າວສານຊີນຮົວ (ຈີນ) ໄດ້ຄັດສະເໜີຊີວະປະຫວັດຫຍໍ້ ແລະ ໄລຍະເຄື່ອນໄຫວການເມືອງຂອງທ່ານອະດີດເລຂາທິການໃຫຍ່ ໂດ໊ເມື່ອຍ ດ້ວຍການຢັ້ງຢືນວ່າ, ທ່ານໄດ້ດຳລົງຫຼາຍຕຳແໜ່ງ, ໄດ້ມີການປະກອບສ່ວນໃຫຍ່ຫຼວງຫຼາຍຢ່າງໃຫ້ແກ່ພາລະກິດປະຕິວັດຂອງພັກ ແລະ ຊາດ, ພິເສດແມ່ນໃນພາລະກິດແຫ່ງການປ່ຽນແປງໃໝ່.
        ບັນດາສຳນັກງານຂ່າວສານສາກົນໃຫຍ່ຄື: Financial Times, Washington Post, ABCnews, New York Times, ກໍໄດ້ແຈ້ງວ່າ ທ່ານອະດີດເລຂາທິການໃຫຍ່ ໂດ໊ເມື່ອຍ ເຖິງແກ່ມໍລະນະກຳ, ກໍຄືທົບທວນຄືນພາລະກິດການເມືອງ ແລະ ການປະກອບສ່ວນຂອງທ່ານເລຂາທິການໃຫຍ່ຕໍ່ພາລະກິດການປະຕິວັດຂອງພັກ ແລະ ລັດຫວຽດນາມ.