ສື່ມວນຊົນກັບວຽກງານຕໍ່ສູ້ປ້ອງກັນ, ຕ້ານການສໍ້ລາດບັງຫລວງ, ການຟຸມເຟືອຍ
ສື່ມວນຊົນກັບວຽກງານຕໍ່ສູ້ປ້ອງກັນ,
ຕ້ານການສໍ້ລາດບັງຫລວງ, ການຟຸມເຟືອຍ
ຕອນບ່າຍວັນທີ 04/01 ທີ່ກອງປະຊຸມຄະນະກຳມະການສູນກາງແນວໂຮມປະເທດຊາດ ຫວຽດນາມ ຄັ້ງທີ 6, ຄະນະກຳມະການສູນກາງແນວໂຮມປະເທດຊາດ ຫວຽດນາມ ແລະ ສະມາຄົມນັກຂ່າວ ຫວຽດນາມ ສົມທົບກັນຈັດຕັ້ງປຸກລະດົມການແຂ່ງຂັນສື່ມວນຊົນທົ່ວປະເທດ “ສື່ມວນຊົນກັບວຽກງານຕໍ່ສູ້ປ້ອງກັນ, ຕ້ານການສໍ້ລາດບັງຫລວງ, ການຟຸມເຟືອຍ”. ບົດປະພັນທີ່ເຂົ້າຮ່ວມການແຂ່ງຂັນສື່ມວນຊົນກັບວຽກງານຕໍ່ສູ້ປ້ອງກັນ, ຕ້ານການສໍ້ລາດບັງຫລວງ, ການຟຸມເຟືອຍ ແມ່ນບັນດາບົດປະພັນສື່ມວນຊົນທີ່ມີລັກສະນະພົບເຫັນ, ຕໍ່ສູ້ສະກັດກັ້ນ, ຍູ້ການເສື່ອມເສຍ, “ຜັນແປເອງ”, “ຫັນປ່ຽນເອງ” ໃນໝູ່ພະນັກງານ, ສະມາຊິກພັກໃຫ້ຖອຍໄປ; ຂົນຂວາຍ, ປຸກລະດົມປະຊາຊົນທຸກຊັ້ນວັນນະ ຕັ້ງໜ້າປ້ອງກັນ, ຕ້ານການສໍ້ລາດບັງຫລວງ, ການຟຸມເຟືອຍ; ໂຄສະນາ, ຂົນຂວາຍພະນັກງານ, ສະມາຊິກພັກ ແລະ ປະຊາຊົນທຸກຊັ້ນວັນນະ ຕັ້ງໜ້າສ້າງອຳນາດການປົກຄອງປອດໃສ, ໝັ້ນຄົງເຂັ້ມແຂງ, ປ້ອງກັນ, ຕ້ານການສໍ້ລາດບັງຫລວງ, ປະຕິບັດການປະຢັດ, ຕ້ານການຟຸມເຟືອຍ; ວຽກງານຕິດຕາມກວດກາພະນັກງານ, ສະມາຊິກພັກ, ລັດຖະກອນຢູ່ເຂດຊຸມຊົນ; ການປະຕິບັດກົດລະບຽບອະທິປະໄຕຢູ່ຂັ້ນຮາກຖານ. ບັນດາຮູບການສື່ມວນຊົນໄດ້ເຂົ້າຮ່ວມການແຂ່ງຂັນມີແມ່ນ: ໜັງສືພິມ, ສື່ເອເລັກໂຕນິກ, ຂ່າວພາບ, ກະຈາຍສຽງ ແລະ ໂທລະພາບ.
ບັນດາບົດປະພັນເຂົ້າຮ່ວມການແຂ່ງຂັນ ຕ້ອງໄດ້ຮັບການພິມຈຳໜ່າຍໂຄສະນາທາງສຳນັກຂ່າວສານສື່ມວນຊົນພາຍໃນປະເທດ ນັບແຕ່ວັນທີ 01/01/2017 – 30/11/2017.
(ແຫຼ່ງຄັດຈາກ VOV)