ຂ່າວສານ

ສັນຍາ RCEP ຄາດວ່າຍັງຄົງໄດ້ຮັບການລົງນາມໃນປີນີ້

05/05/2020

ໃນບົດກ່າວປາໄສສະບັບໜຶ່ງໃນວັນທີ 3 ພຶດສະພາ, ທ່ານ Chan Chun Sing ລັດຖະມົນຕີກະຊວງການຄ້າ ແລະ ອຸດສາຫະກຳ ສິງກະໂປ ໄດ້ຢັ້ງຢືນວ່າ ສັນຍາຄູ່ຮ່ວມມືເສດຖະກິດຮອບດ້ານພາກພື້ນ (RCEP) ຍັງຄົງຢູ່ໃນໄລຍະເຊິ່ງຄາດວ່າຈະໄດ້ຮັບການລົງນາມໃນທ້າຍປີນີ້.

ບັນດາຜູ້ແທນເຂົ້າຮ່ວມກອງປະຊຸມຂັ້ນລັດຖະມົນຕີກ່ຽວກັບສັນຍາ RCEP (ພາບ: TTXVN)

ຕາມທ່ານ Chan Chun Sing ແລ້ວ, ບັນດາຝ່າຍເຂົ້າຮ່ວມການເຈລະຈາທັງໝົດລ້ວນແຕ່ເຫັນດີເປັນເອກະພາບວ່າ ການລົງນາມໃນ RCEP ໃນປີ 2020 ແມ່ນສຳຄັນທີ່ສຸດເພື່ອແນໃສ່ປັບປຸງ ແລະ ຊຸກຍູ້ຄວາມໄວ້ເນື້ອເຊື່ອໃຈຕໍ່ພື້ນຖານເສດຖະກິດທົ່ວໂລກ ກໍ່ຄືເສດຖະກິດໃນພາກພື້ນ, ພິເສດແມ່ນໃນສະພາບການປະສົບກັບຄວາມຫຍຸ້ງຍາກຍ້ອນໂລກລະບາດຄືໃນປັດຈຸບັນ.

ທ່ານ Chan Chun Sing ກໍ່ໃຫ້ຮູ້ວ່າ ບັນດາການປຶກສາຫາລື, ກອງປະຊຸມວິຊາການຕາມຮູບແບບອອນລາຍຂອງບັນດາຝ່າຍເຂົ້າຮ່ວມການເຈລະຈາ RCEP ໄດ້ ແລະ ພວມໄດ້ຮັບການດຳເນີນ, ພ້ອມທັງທ່ານກໍ່ໃຫ້ຮູ້ວ່າບໍ່ມີສັນຍານຮ້າຍແຮງທີ່ສະແດງໃຫ້ເຫັນຄວາມຊັກຊ້າ ຫຼືຕ້ອງໂຈະການລົງນາມໃນຂໍ້ຕົກລົງດັ່ງກ່າວ.

(ແຫຼ່ງຄັດຈາກ VOV)

ການສົ່ງອອກເຄື່ອງເອເລັກໂຕນິກມຸ່ງໄປເຖິງເປົ້າໝາຍບັນລຸ 145 ຕື້ USD

17/09/2025
ຂ່າວສານ

ໃນສະພາບການພູມສາດການເມືອງ ແລະ ເຕັກໂນໂລຢີທົ່ວໂລກ ມີການປ່ຽນແປງຢ່າງລຽນຕິດນັ້ນ, ຫວຽດນາມ ພວມຫັນປ່ຽນຈາກ “ໂຮງງານຜະລິດ” ກາຍເປັນສູນນະວັດຕະກໍາເຕັກໂນໂລຢີສູງຂອງພາກພື້ນ” ເທື່ອລະກ້າວ. ດ້ວຍວົງເງິນສົ່ງອອກເຄື່ອງເອເລັກໂຕນິກບັນລຸກວ່າ 125 ຕື້ USD ໃນປີ 2024 ແລະ ທ່າອຽງພວມເຕີບໂຕຢ່າງວ່ອງໄວ, ພ້ອມກັບການປະກົດຕົວຂອງສູນຄົ້ນຄວ້າ ແລະ ພັດທະນາ (R&D) ຕ່າງປະເທດທີ່ນັບມື້ນັບຫຼາຍ, ຫວຽດນາມ ພວມມຸ່ງໄປເຖິງເປົ້າໝາຍ ສົ່ງອອກເຄື່ອງເອເລັກໂຕນິກໃຫ້ບັນລຸ 145 ຕື້ USD.