25/10/2020 12:29 GMT+7 Email Print Like 0

ສະ​ພາ​ແຫ່ງ​ຊາດ ປຶກ​ສາ​ຫາ​ລື​ຮ່າງ​ກົດ​ໝາຍ​ວ່າ​ດ້ວຍ​ການ​ປົກ​ປັກ​ຮັກ​ສາ​ສິ່ງ​ແວດ​ລ້ອມ (ສະ​ບັບປັບ​ປຸງ)

ໂດຍສືບຕໍ່ລາຍການກອງປະຊຸມສະໄໝສາມັນເທື່ອທີ 10 ຕອນເຊົ້າວັນທີ 24 ຕຸລາ, ສະພາແຫ່ງຊາດ ໄດ້ປຶກສາຫາລືທາງອອນລາຍກ່ຽວກັບບາງເນື້ອໃນທີ່ຍັງມີຄວາມເຫັນແຕກຕ່າງຂອງຮ່າງກົດໝາຍວ່າດ້ວຍການປົກປັກຮັກສາສິ່ງແວດລ້ອມ (ສະບັບປັບປຸງ). 

ສະພາແຫ່ງຊາດ ປຶກສາຫາລືຮ່າງກົດໝາຍວ່າດ້ວຍການປົກປັກຮັກສາສິ່ງແວດລ້ອມ (ສະບັບປັບປຸງ) (ພາບ: quochoi.vn

ຮ່າງກົດໝາຍວ່າດ້ວຍການປົກປັກຮັກສາສິ່ງແວດລ້ອມ (ສະບັບປັບປຸງ) ໄດ້ຮັບການປຶກສາຫາລື, ປະກອບຄຳເຫັນຈາກສະມາຊິກສະພາແຫ່ງຊາດຢູ່ ກອງປະຊຸມສະໄໝສາມັນເທື່ອທີ 9 ແລ້ວ. ຮ່າງກົດໝາຍດັ່ງກ່າວໄດ້ກຳນົດກ່ຽວກັບການເຄື່ອນໄຫວປົກປັກຮັກສາສິ່ງແວດລ້ອມ; ສິດ ແລະ ພັນທະແລະຄວາມຮັບຜິດຊອບຂອງສຳນັກງານ, ອົງການ, ຄອບຄົວ, ສ່ວນບຸກຄົນ ແລະ ວົງຄະນະຍາດຊຸມຊົນໃນການເຄື່ອນໄຫວປົກປັກຮັກສາສິ່ງແວດລ້ອມ.ສິ່ງທີ່ເປັນໜ້າສົນໃຈ, ຮ່າງກົດໝາຍໄດ້ກຳນົດຫຼັກການປົກປັກຮັກສາສິ່ງແວດລ້ອມ, ນະໂຍບາຍຂອງລັດກ່ຽວກັບການຮັກສາສິ່ງແວດລ້ອມ; ການວາງແຜນກຳນົດປົກປັກຮັກສາສິ່ງລ້ອມ… ແລະ ກໍ່ໃນວັນດຽວກັນ, ສະພາແຫ່ງຊາດໄດ້ຮັບຟັງໃບຍື່ນສະເໜີກ່ຽວກັບຮ່າງກົດໝາຍວ່າດ້ານການປ້ອງກັນ ຕ້ານຢາເສບຕິດ (ສະບັບປັບປຸງ); ຮ່າງກົດໝາຍວ່າດ້ວຍການຄົມມະນາຄົມທາງບົກ  (ສະບັບປັບປຸງ); ຮ່າງກົດໝາຍວ່າດ້ວຍການຮັບປະກັນຄວາມເປັນລະບຽບຮຽບຮ້ອຍ, ຄວາມປອດໄພໃນການຄົມມະນາຄົມທາງບົກ (ສະບັບປັບປຸງ); ຮ່າງກົດໝາຍວ່າດ້ວຍກຳລັງເຂົ້າຮ່ວມການປ້ອງກັນຄວາມສະຫງົບ, ຄວາມເປັນລະບຽບຮຽບຮ້ອຍຢູ່ຂັ້ນຮາກຖານ ແລະ ປຶກສາຫາລື ກ່ຽວກັບຮ່າງມະຕິ ວ່າດ້ວຍການເຂົ້າຮ່ວມກຳລັງຮັກສາສັນຕິພາບຂອງ ສປຊ.
(ແຫຼ່ງຄັດຈາກ VOV)