24/02/2021 09:11 GMT+7 Email Print Like 0

ສະ​ພາບ​ການ​ໂລກ​ລະ​ບາດ​ໂຄວິດ - 19 ໃນ​ໂລກ

ໃນພິທີອາໄລຫາຜູ້ປະສົບເຄາະຮ້າຍຈາກໂລກລະບາດໂຄວິດ - 19 ກ່ວາ 500.000 ຄົນ ໃນວັນທີ 22 ກຸມພາ, ທ່ານປະທານາທິບໍດີ Joe Biden ໄດ້ອອກຄຳສັ່ງປັກທຸງເຄິ່ງເສົາ ໃນບັນດາສຳນັກງານສະຫະລັດກໍ່ຄືສະຖານທູດ ອາເມລິກາ ຢູ່ທຸກໆປະເທດ ແລະ ພິທີດັ່ງກ່າວຈະດຳເນີນພາຍໃນ 5 ວັນ.
ປະຊາຊົນໃສ່ຜ້າອັດປາກ - ດັງຢູ່ປາຣີ, ປະເທດ ຝລັ່ງ. (ພາບ: THX/ TTXVN)

ຕາມເວັບໄຊສະຖິຕິ worldometers.info ແລ້ວ, ໄລ່ຮອດເວລາ 1 ໂມງຂອງວັນທີ 23 ກຸມພາ (ຕາມເວລາ UTC), ໂລກໄດ້ຢັ້ງຢືນມີຜູ້ຕິດເຊື້ອພະຍາດໂຄວິດ - 19 112.249.162 ຄົນ, ໃນນັ້ນມີ ຜູ້ເສຍຊີວິດ 2.484.692 ຄົນ. ໃນຮອບເວລາ 24 ຊົ່ວໂມງທີ່ຜ່ານມາ, ໂລກມີຜູ້ຕິດເຊື້ອພະຍາດໂຄວິດ - 19 ລາຍໃໝ່ຕື່ມອີກ 279.000 ຄົນ, ໃນນັ້ນ ອາເມລິກາ ມີ 51.914 ຄົນ ຫຼາຍທີ່ສຸດໃນໂລກ, ຖັດຈາກ ອາເມລິກາ ແມ່ນ ອິນເດຍ, ບຣາຊິນ.

ໃນພິທີອາໄລຫາຜູ້ປະສົບເຄາະຮ້າຍຈາກໂລກລະບາດໂຄວິດ - 19 ກ່ວາ 500.000 ຄົນ ໃນວັນທີ 22 ກຸມພາ, ທ່ານປະທານາທິບໍດີ Joe Biden ໄດ້ອອກຄຳສັ່ງປັກທຸງເຄິ່ງເສົາ ໃນບັນດາສຳນັກງານສະຫະລັດກໍ່ຄືສະຖານທູດ ອາເມລິກາ ຢູ່ທຸກໆປະເທດ ແລະ ພິທີດັ່ງກ່າວຈະດຳເນີນພາຍໃນ 5 ວັນ.

(ແຫຼ່ງຄັດຈາກ VOV)