ສະໂມສອນ “ເພື່ອໝູ່ເກາະຮ່ວາງຊາ - ເຈື່ອງຊາ ທີ່ຮັກແພງ”: ເຊື່ອມຕໍ່ບັນດາຫົວໃຈມຸ່ງໄປສູ່ເຂດໝູ່ເກາະ ຂອງປະເທດຊາດ
ວັນທີ 10 ພະຈິກ, ຢູ່ຮ່າໂນ້ຍ, ສະໂມສອນ “ເພື່ອໝູ່ເກາະຮ່ວາງຊາ - ເຈື່ອງຊາ ທີ່ຮັກແພງ” ໄດ້ຈັ້ດຕັ້ງການສະເຫຼີມສະຫຼອງ 5 ປີແຫ່ງວັນສ້າງຕັ້ງ (2014 - 2019).
ພິທີ ສະເຫຼີມສະຫຼອງ 5 ປີແຫ່ງວັນສ້າງຕັ້ງສະໂມສອນ “ເພື່ອໝູ່ເກາະຮ່ວາງຊາ - ເຈື່ອງຊາ ທີ່ຮັກແພງ”
(ພາບ: Tuoitre.vn)
ວັນທີ 1 ສິງຫາ ປີ 2014, ກອງທຶນການສຶກສາ ວືຶອາຢິ໊ງ ຂຶ້ນກັບສູນກາງຄະນະຊາວໜຸ່ມກອມມູນິດ ໂຮ່ຈີມິນໄດ້ສ້າງຕັ້ງສະໂມສອນ “ເພື່ອໝູ່ເກາະຮ່ວາງຊາ - ເຈື່ອງຊາທີ່ຮັກແພງ” ດ້ວຍເປົ້າໝາຍເຊື່ອມຕໍ່ບັນດາຫົວໃຈມຸ່ງໄປສູ່ທະເລໝູ່ເກາະຂອງປະເທດຊາດ. ພາຍຫຼັງແຫ່ງ 5 ປີການເຄື່ອນໄຫວ, ສະໂມສອນ “ເພື່ອໝູ່ເກາະຮ່ວາງຊາ - ເຈື່ອງຊາທີ່ຮັກແພງ” ໄດ້ມີການຂະຫຍາຍໂຕ ຢ່າງບໍ່ຢຸດຢັ້ງ. ມາຮອດປັດຈຸບັນ, ສະໂມສອນມີສະມາຊິກບຸກຄົນເກືອບ 1500 ຄົນ, ສະມາຊິກທີ່ເປັນໝູ່ຄະນະ 93 ຄະນະ ໃນທົ່ວປະເທດ ແລະ ຢູ່ເອີລົບ, ທະວີບອົດສະຕາລີ, ສ.ເກົາຫຼີ, ໄທ ພ້ອມກັບ ສະມາຊິກກ່ວາ 2.300 ຄົນທີ່ເຊື່ອມຕໍ່ໃນສື່ສັງຄົມອອນລາຍ facebook.
ເນື່ອງໃນໂອກາດສະເຫຼີມສະຫຼອງ 5 ປີ ແຫ່ງວັນສ້າງຕັ້ງ, ສະໂມສອນ“ເພື່ອໝູ່ເກາະ ຮ່ວາງຊາ - ເຈື່ອງຊາທີ່ຮັກແພງ” ໄດ້ປຸກລະດົມການສອບເສັງ “ຂຽນ, ແຕ້ມພາບກ່ຽວກັບທະເລໝູ່ເກາະຂອງປະເທດຊາດຂອງນ້ອງ” ໂດຍສະຫງວນໃຫ້ແກ່ບັນດານ້ອງນັກຮຽນ ແລະ ບັນດາໂຮງຮຽນໃນທົ່ວປະເທດ.
(ແຫຼ່ງຄັດຈາກ VOV)