ວຽກງານປ້ອງກັນ ແລະ ຕ້ານການສໍ້ລາດບັງຫຼວງແມ່ນເນື້ອໃນທີ່ຖືກບັນດາ ສ.ສ.ຊ ນຳມາປຶກສາຫາລື ຢູ່ທີ່ກອງປະຊຸມສະໄໝສາມັນເທື່ອທີ 4 ສະພາແຫ່ງຊາດຫວຽດນາມຊຸດທີ 14 ໃນວັນທີ 6 ພະຈິກຢູ່ຮ່າໂນ້ຍ
ເພື່ອໃຫ້ວຽກງານປ້ອງກັນ ແລະ ຕ້ານການສໍ້ລາດບັງຫຼວງໄດ້ຮັບການປະຕິບັດຢ່າງມີປະສິດທິຜົນນັ້ນ, ບັນດາ ສ.ສ.ຊ ໄດ້ສະເໜີຕ້ອງຖືການສໍ້ລາດບັງຫຼວງແມ່ນໄພອັນຕະລາຍຂອງປະເທດຊາດ, ແມ່ນສັດຕູພາຍໃນ ແລະ ຕ້ອງສະກັດກັ້ນ ແລະ ຕໍ່ສູ້ຕ້ານຢ່າງເປັນປະຈຳ. ທ່ານນາງ ກາວທິຢາງ, ສ.ສ.ຊ ແຂວງກວາງບີງ ປະກອບຄຳເຫັນວ່າ :
“ ລະບົບການເມືອງທັງໝົດຕ້ອງມີຄວາມຕັດສິນໃຈຢ່າງສູງໃນການຊີ້ນຳນຳພາ, ຈັດຕັ້ງປະຕິບັດວຽກງານປ້ອງກັນ ແລະ ຕ້ານການສໍ້ລາດບັງຫຼວງ. ພະນັກງານ, ສະມາຊິກພັກ, ເປັນຕົ້ນແມ່ນບັນດາຜູ້ນຳຕ້ອງມີຄວາມຈັດສິນໃຈ, ໝັ້ນໝາຍບໍ່ສໍ້ລາດບັງຫຼວງ, ບໍ່ປະໃຫ້ຍາດພີນ້ອງຂຈອງຕົນສວຍໃຊ້ຖານະຕຳແໜ່ງຂອງເຮົາເພື່ອທຳມາຫາກິນຢ່າງຜິດກົດໝາຍ. ພະນັກງານ, ສະມາຊິກພັກເອງ ຕ້ອງນຳໜ້າ ແລະ ເປັນແບບຢ່າງໃນວຽກງານຕໍ່ສູ້ປ້ອງກັນ ແລະ ຕ້ານການສໍ້ລາດບັງຫຼວງ ”
ແລະ ກໍໃນວັນດຽວກັນ, ບັນດາ ສ.ສ.ຊ ໄດ້ປຶກສາຫາລືກ່ຽວກັບວຽກງານປ້ອງກັນ ແລະ ຕ້ານອາດຊະຍາກຳ, ການລະເມີດກົດໝາຍ ແລະ ວຽກງານປະຕິບັດຄຳຕັດສິນຂອງສານ.
(ແຫຼ່ງຄັດຈາກ VOV)