18/06/2021 21:31 GMT+7 Email Print Like 0

ສະພາບການໂລກລະບາດໂຄວິດ-19 ຢູ່ຫວຽດນາມ ແລະ ໃນໂລກ

         ຫວຽດນາມ ມີຜູ້ຕິດເຊື້ອພະຍາດໂຄວິດ-19 ພາຍໃນປະເທດສະສົມທັງໝົດ 10.564 ຄົນ ແລະ 1.667 ຄົນກັບມາຈາກຕ່າງປະເທດ.
ນັບແຕ່ເວລາ 18 ໂມງຂອງວັນທີ 17 ມິຖຸນາ ຫາເວລາ 6 ໂມງຂອງວັນທີ 18 ມິຖຸນາ, ຫວຽດນາມ ກວດພົບຜູ້ຕິດເຊື້ອພະຍາດໂຄວິດ-19 ພາຍໃນປະເທດຕື່ມອີກ 81 ຄົນ ຢູ່ນະຄອນ ໂຮ່ຈີມິນ (60 ຄົນ), ບັກຢາງ (21 ຄົນ), ໃນນັ້ນ 76 ຄົນແມ່ນກວດພົບໃນເຂດແຍກຕົວ ຫຼື ເຂດຖືກປິດລ້ອມ.
        ສະນັ້ນ, ໄລ່ຮອດເວລາ 6 ໂມງຂອງວັນທີ 18 ມິຖຸນາ, ຫວຽດນາມ ມີຜູ້ຕິດເຊື້ອພະຍາດໂຄວິດ-19 ພາຍໃນປະເທດສະສົມທັງໝົດ 10.564 ຄົນ ແລະ 1.667 ຄົນກັບມາຈາກຕ່າງປະເທດ. ຈຳນວນຜູ້ທີ່ໄດ້ຮັບການປິ່ນປົວຫາຍດີເປັນປົກກະຕິແມ່ນ 4.653 ຄົນ, ມີ 61 ຄົນເສຍຊີວິດ.
        ສ່ວນຢູ່ໃນໂລກ, ຕາມເວັບໄຊສະຖິຕິ worldometers.info ແລ້ວ, ໄລ່ຮອດເວລາ 1 ໂມງຂອງວັນທີ 17 ມິຖຸນາ (ຕາມເວລາ UTC), ທົ່ວໂລກມີຜູ້ຕິດເຊື້ອພະຍາດໂຄວິດ-19 ທັງໝົດແມ່ນກວ່າ 178 ລ້ານຄົນ, ໃນນັ້ນເກືອບ 3,9 ລ້າຍຄົນເສຍຊີວິດ. ປະເທດຖືກຜົນສະທ້ອນຢ່າງໜັກໜ່ວງທີ່ສຸດຍັງແມ່ນອາເມລິກາ, ຖັດຈາກນັ້ນແມ່ນ ອິນເດຍ ແລະ ບຣາຊິນ.
(ແຫຼ່ງຄັດຈາກ VOV)