ຜູ້ຕາງໜ້າບັນດາປະເທດເຂົ້າຮ່ວມກອງປະຊຸມອອນລາຍ (ພາບ: TTXVN) 

             ກ່າວຄໍາເຫັນທີ່ກອງປະຊຸມ, ທ່ານເອກອັກຄະລັດຖະທູດ ດັ້ງດິ່ງກຸ໊ຍ, ຫົວໜ້າຄະນະຜູ້ຕາງໜ້າຫວຽດນາມປະຈໍາ ສປຊ ໄດ້ຕີລາຄາສູງການເຄື່ອນໄຫວຂອງ ສູນການທູດປ້ອງກັນເຫດ ຂອງ ສປຊ ຢູ່ ອາຊີກາງ, ຖືນີ້ແມ່ນແບບຢ່າງຕັ້ງໜ້າຂອງ ສປຊ ໃນການຊຸກຍູ້ການທູູດປ້ອງກັນເຫດໃນພາກພື້ນ; ຕີລາຄາສູງຕໍ່ຄວາມຄືບໜ້າຕ່າງໆກ່ຽວກັບການປ້ອງກັນຄວາມສະຫງົບ, ເສດຖະກິດ, ສັງຄົມ ຢູ່ບັນດາປະເທດ ອາຊີກາງ, ພ້ອມທັງແບ່ງປັນຄວາມວິຕົກກັງວົນກ່ຽວກັບຜົນກະທົບຂອງໂລກລະບາດໂຄວິດ - 19 ສໍາລັບບັນດາປະເທດນີ້. ທ່ານເອກອັກຄະລັດຖະທູດ ດັ້ງດິ່ງກຸ໊ຍ ມີຄວາມປາດຖະໜາວ່າ ສູນການທູດປ້ອງກັນເຫດ ຈະສືບຕໍ່ໜູນຊ່ວຍບັນດາປະເທດ ອາຊີກາງ ໃນການຄຸ້ມຄອງແຫຼ່ງຊັບພະຍາກອນນໍ້າຂ້າມຊາຍແດນ ກໍຄືເພີ່ມທະວີການຮ່ວມມືໃນພາກພື້ນ ແລະ ຍົກສູງບົດບາດຂອງຊາວໜຸ່ມ ແລະ ແມ່ຍິງ. ທ່ານກໍຕີລາຄາສູງຕໍ່ຄວາມມານະພະຍາຍາມຂອງ ສູນການທູດປ້ອງກັນເຫດໃນການຊຸກຍູ້ການຮ່ວມມືກັບ ອາບການິດສະຖານ ແລະ ບັນດາອົງການຈັດຕັ້ງໃນພາກພື້ນທີ່ມີສ່ວນກ່ຽວຂ້ອງ, ຜ່ານນັ້ນກໍ່ປະກອບສ່ວນລວມເຂົ້າໃນການຊຸກຍູ້ສັນຕິພາບ, ຄວາມໝັ້ນຄົງ ແລະ ການພັດທະນາແບບຍືນຍົງຢູ່ພາກພື້ນ ອາຊີກາງ ແລະ ອາບການິດສະຖານ.  

 (ແຫຼ່ງຄັດຈາກ VOV)