26/11/2020 09:41 GMT+7 Email Print Like 0

ວິສາຫະກິດ ຫວຽດນາມ ຢູ່ ລາວ ປະກອບສ່ວນຢ່າງຕັ້ງໜ້າເຂົ້າໃນການພັດທະນາເສດຖະກິດ - ສັງຄົມ ຂອງທ້ອງຖິ່ນ

      ລົງຢ້ຽມຢາມໂຄງການຂຸດຄົ້ນແຮ່ເຫຼັກຂອງບໍລິສັດໃຫຍ່ຮ່ວມມືສາກົນ Coecco ຂຶ້ນກັບ ທະຫານເຂດ 4, ຢູ່ບ້ານນາມຊານ, ເມືອງລ່ອງແຈ້ງ ແຂວງ ໄຊສົມບູນ ຫວ່າງມໍ່ໆມານີ້, ທ່ານຮອງນາຍົກລັດຖະມົນຕີ, ລັດຖະມົນຕີກະຊວງແຜນການ ແລະ ການລົງທຶນ ລາວ ສອນໄຊ ສີພັນດອນ ໄດ້ຕີລາຄາສູງຕໍ່ການປະກອບສ່ວນຂອງວິສາຫະກິດໃນການພັດທະນາເສດຖະກິດ - ສັງຄົມ ຂອງ ທ້ອງຖິ່ນ.

ການຂຸດຄົ້ນແຮ່ເຫຼັກຂອງບໍລິສັດໃຫຍ່ຮ່ວມມືສາກົນ Coecco ຂຶ້ນກັບ ທະຫານເຂດ 4, ຢູ່ບ້ານນາມຊານ, ເມືອງລ່ອງແຈ້ງ
ແຂວງ ໄຊສົມບູນ
 (ພາບ:ນັກຂ່າວ VOV ປະຈຳ ລາວ)
      ຕາມທ່ານຮອງນາຍົກລັດຖະມົນຕີ ລາວ ແລ້ວ, ການເຄື່ອນໄຫວລົງທຶນຂຸດຄົ້ນ, ປະຕິບັດພັນທະງົບປະມານຂອງບັນດາວິສາຫະກິດ ຫວຽດນາມ ໄດ້ສ້າງວຽກເຮັດງານທຳຖາວອນໃຫ້ແກ່ປະຊາຊົນ, ຊ່ວຍທ້ອງຖິ່ນພັດທະນາເທື່ອລະກ້າວ. ທ່ານກໍຮຽກຮ້ອງໃຫ້ບັນດາຄະນະ, ຂະແໜງການທີ່ມີໜ້າທີ່ຮັບຜິດຊອບ ແລະ ວິສາຫະກິດ ສົມທົບກັນແກ້ໄຂບັນດາບັນຫາທີ່ກ່ຽວຂ້ອງໃຫ້ກົມກຽວ ເພື່ອຮັບປະກັນການຜະລິດຢ່າງປອດໄພ, ປົກປັກຮັກສາສິ່ງແວດລ້ອມຊີວະພາບ, ຈຳກັດການສົ່ງຜົນກະທົບຕໍ່ການດຳລົງຊີວິດຂອງປະຊາຊົນ; ພ້ອມທັງມີແຜນການນຳໃຊ້ທຶນພັດທະນາວົງຄະນະຍາດ ແລະ ທ້ອງຖິ່ນໃຫ້ເໝາະສົມ, ມີປະສິດທິຜົນ, ໃຫ້ບຸລິມະສິດຂົງເຂດການສຶກສາ, ສາທາລະນະສຸກ, ໂພສະນາການ, ນ້ຳສະອາດ ແລະ ສົ່ງເສີມການຜະລິດເປັນສິນຄ້າ.
 (ແຫຼ່ງຄັດຈາກ VOV)