ວິສາຫະກິດ ຮົ່ງກົງ (ຈີນ) ຫຼາຍແຫ່ງປາດຖະໜາຢາກລົງທຶນເຂົ້າຫວຽດນາມ
(ທ່ານນາຍົກລັດຖະມົນຕີ ຫງວຽນຊວນຟຸກ
ຕ້ອນຮັບເລຂາທິການໃຫຍ່ເຂດບໍລິຫານພິເສດຮົ່ງກົງ (ຈີນ)
ທີ່ການຕ້ອນຮັບທ່ານນາງ ລິ໋ນເຈງຢັວເອີ໋, ເລຂາທິການໃຫຍ່ເຂດບໍລິຫານພິເສດຮົ່ງກົງ (ຈີນ), ໃນຕອນບ່າຍວັນທີ 17/08, ທ່ານນາຍົກລັດຖະມົນຕີ ຫງວຽນຊວນຟຸກ ຖືວ່າ, ໃນໄລຍະຈະມາເຖິງ, ຫວຽດນາມ ແລະ ເຂດບໍລິຫານພິເສດຮົ່ງກົງ (ຈີນ) ຕ້ອງເພີ່ມທະວີການພົບປະ, ແລກປ່ຽນຄະນະຜູ້ແທນລະຫວ່າງບັນດາອົງການອຳນາດການປົກຄອງ, ສະຫະສະມາຄົມອາຊີບ ແລະ ວິສາຫະກິດ. ທ່ານນາຍົກລັດຖະມົນຕີປາດຖະໜາວ່າ, ຮົ່ງກົງ (ຈີນ) ຈະສ້າງຕັ້ງການພົວພັນຮ່ວມມືມິດຕະພາບກັບທ້ອງຖິ່ນຕ່າງໆຂອງຫວຽດນາມ; ພ້ອມທັງຢືນຢັນວ່າ, ຫວຽດນາມ ສືບຕໍ່ສ້າງເງື່ອນໄຂສະດວກໃຫ້ບັນດາວິສາຫະກິດຂອງຮົ່ງກົງ (ຈີນ) ລົງທຶນເຂົ້າບັນດາຂົງເຂດທີ່ຫວຽດນາມ ມີຄວາມຕ້ອງການຄື: ຂົນສົ່ງ, ພື້ນຖານໂຄງລ່າງ, ເຄື່ອງອາໄຫຼ່ເອເລກໂຕນິກ, ອຸດສາຫະກຳສຳຮອງ… ພ້ອມກັນນັ້ນແມ່ນຄົ້ນຄວ້າຊຸກຍູ້ການຮ່ວມມືລະຫວ່າງ 2 ຝ່າຍໃນບັນດາຂົງເຂດທີ່ມີຄວາມສາມາດບົມຊ້ອນຫຼາຍຢ່າງຄື: ວັດທະນະທຳ, ການທ່ອງທ່ຽວ, ແຮງງານວຽກເຮັດງານທຳ, ເປີດສາຍການບິນ…
ສ່ວນທ່ານນາງ ລິ໋ນເຈງຢັວເອີ໋ ໃຫ້ຮູ້ວ່າ, ຫວຽດນາມ ແມ່ນຄູ່ຄ້າລາຍໃຫຍ່ອັນກັບ 3 ຂອງເຂດບໍລິຫານພິເສດຮົ່ງກົງ (ຈີນ) ໃນກຸ່ມອາຊຽນ ແລະ ປະຈຸບັນມີວິສາຫະກິດຮົ່ງກົງ (ຈີນ) ຫຼາຍແຫ່ງພວມປາດຖະໜາຢາກລົງທຶນເຂົ້າຫວຽດນາມ.
(ແຫຼ່ງຄັດຈາກ VOV)