ລັດເຊຍ ເຊື່ອມຕໍ່ບັນດາຖ້ຽວບິນໄປຍັງ ຫວຽດນາມ, ແຟງລັງ, ອິນເດຍ ແລະ ກາຕາ ຄືນໃໝ່
ສຳນັກຂ່າວສານ Tass ຂອງ ລັດເຊຍ ໄດ້ໃຫ້ຂ່າວວ່າ, ລັດເຊຍ ຈະເຊື່ອມຕໍ່ບັນດາຖ້ຽວບິນໄປຍັງ ຫວຽດນາມ, ອິນເດຍ, ແຟງລັງ ແລະ ກາຕາ ຄືນໃໝ່ ນັບແຕ່ວັນທີ 27 ມັງກອນ ຈະມາເຖິງເປັນຕົ້ນໄປ, ດ້ວຍຈຳນວນ 2 ຫາ 3 ຖ້ຽວຕໍ່ ອາທິດ.
(ພາບປະກອບ: REUTERS/TTXVN)
ແຈ້ງການດັ່ງກ່າວ ໂດຍສູນຕ້ານວິກິດການ ໂຄວິດ - 19 ຂອງ ລັດເຊຍ ໄດ້ຊີ້ແຈ້ງວ່າ: ພາຍຫຼັງທີ່ປຶກສາຫາລື ແລະ ພິຈາລະນາສະພາບການໂລກລະບາດຢູ່ບາງປະເທດ, ສູນຕ້ານວິກິດການໂຄວິດ - 19 ໄດ້ຕົກລົງເຊື່ອມຕໍ່ຖ້ຽວບິນສາກົນ ກັບບັນດາປະເທດ ຫວຽດນາມ, ອິນເດຍ, ແຟງລັງ ແລະ ກາຕາ ຄືນໃໝ່, ໂດຍເລີ່ມແຕ່ວັນທີ 27 ມັງກອນ ຈະມາເຖິງ ເປັນຕົ້ນໄປ. ລະອຽດແມ່ນ ຖ້ຽວບິນ ມົດສະກູ - ຮ່າໂນ້ຍ, ມົດສະກູ - ນິວ ເດລີ, ມົດສະກູ - Helsinki ແລະ St. Petersburg ແມ່ນໄດ້ປະຕິບັດ 2 ຖ້ຽວຕໍ່ ອາທິດ; ສ່ວນຖ້ຽວບິນ ແຕ່ ມົດສະກູ ໄປ ໂດຮາ ໄດ້ປະຕິບັດ 3 ຖ້ຽວຕໍ່ ອາທິດ.
ລັດເຊຍ ໄດ້ຢຸດເຄື່ອນໄຫວຂອງບັນດາຖ້ຽວບິນສາກົນ ນັບແຕ່ຊຸມອາທິດທຳອິດທີ່ເກີດໂລກລະບາດໂຄວິດ - 19 .
(ແຫຼ່ງຄັດຈາກ VOV)