30/01/2021 07:43 GMT+7 Email Print Like 0

ລັດຖະບານສືບຕໍ່ເພີ່ມທະວີບັນດາມາດຕະການປ້ອງກັນ, ສະກັດກັ້ນໂລກລະບາດໂຄວິດ-19

ຮອດຕອນບ່າຍວັນທີ 29 ມັງກອນ ນີ້, ໄດ້ກວດພົບຜູ້ຕິດເຊື້ອພະຍາດໂຄວິດ-19 ຕື່ມອີກ 53 ຄົນ.
ທ່ານຮອງນາຍົກລັດຖະມົນຕີ ຫວູດຶດດາມ. (ພາບ: tuoitre.vn)

ທີ່ກອງປະຊຸມຄະນະຊີ້ນຳແຫ່ງຊາດກ່ຽວກັບການປ້ອງກັນ, ສະກັດກັ້ນໂລກລະບາດໂຄວິດ-19 ດຳເນີນໃນຕອນບ່າຍວັນທີ 29 ມັງກອນ, ທ່ານຮອງນາຍົກລັດຖະມົນຕີ ຫວູດຶດດາມ ໃຫ້ຮູ້ວ່າ, ຮອດຕອນບ່າຍວັນທີ 29 ມັງກອນ ນີ້, ໄດ້ກວດພົບຜູ້ຕິດເຊື້ອພະຍາດໂຄວິດ-19 ຕື່ມອີກ 53 ຄົນ. ເຖິງຢ່າງໃດກໍ່ຕາມ, ດ້ວຍການຕາມຫາເຊື້ອ ແລະ ປະຕິບັດຫຼາຍມາດຕະການປ້ອງກັນ, ສະກັດກັ້ນໂລກລະບາດໂຄວິດ-19 ຢ່າງຂ້ຽວຂາດຄືໃນປະຈຸບັນ, ຄາດວ່າໃນເວລາ 8 ວັນຈະສະກັດກັ້ນການແຜ່ລະບາດໄດ້. ທ່ານຮອງນາຍົກລັດຖະມົນຕີ ຫວູດຶດດາມ ໃຫ້ຮູ້ວ່າ, ຜູ້ຕິດເຊື້ອພະຍາດ 50 ຄົນທີ່ໃນຕອນບ່າຍນີ້ແມ່ນການຕິດແປດໃຫຍ່ສຸດທີ່ຍັງເຫຼືອໃນຄັ້ງນີ້. ກ່ຽວກັບຄຳໝັ້ນສັນຍາດັບໂລກລະບາດໄດ້ພາຍໃນເວລາ 10 ວັນ, ທ່ານຮອງນາຍົກລັດຖະມົນຕີ ຫວູດຶກດາມ ຢືນຢັນວ່າ, ໄລ່ມາຮອດຈຸດເວລານີ້ ລັດຖະບານຍັງຮັກສາຄຳໝັ້ນສັນຍານັ້ນ. ຕາມທ່ານຮອງນາຍົກລັດຖະມົນຕີແລ້ວ, ເລື່ອງຕາມຫາເຊື້ອພວມດຳເນີນໄປຢ່າງຮີບດ່ວນ ແລະ ມີປະສິດທິຜົນ.

        ສະນັ້ນ, ນັບແຕ່ວັນທີ 25 ມັງກອນ ມາຮອດປະຈຸບັນ, ກະຊວງສາທາລະນະສຸກໄດ້ພົບ 149 ກໍລະນີຕິດເຊື້ອພະຍາດຢູ່ 5 ແຂວງ, ນະຄອນ, ລວມມີ: ຫາຍເຢືອງ (130 ຄົນ), ກວາງນິງ (15 ຄົນ), ຮ່າໂນ້ຍ (2 ຄົນ), ຫາຍຟ່ອງ (1 ຄົນ).

(ແຫຼ່ງຄັດຈາກ VOV)