ຕາມມະຫາວິທະຍາໄລແພດສາດຮ່າໂນ້ຍ ແລ້ວ, ມີຜູ້ອາສາສະໝັກທຳອິດ 6 ຄົນ ໄດ້ສັກທົດລອງວັກຊິນກັນພະຍາດໂຄວິດ 19 ຂອງຫວຽດນາມ ທີ່ມີຊື່ວ່າ COVIVAC ເຂັມ 1 ໂດຍສະຖາບັນວັກຊິນ ແລະ ຊີວະ (IVAC) ຄົ້ນຄວ້າ ໄດ້ສັກເຂັມທີ 2 ແລ້ວ. ຄາດວ່າ, ວັນທີ 18 ເມສາຈະມາເຖິງ, ຈະສິ້ນສຸດການສັກວັກຊິນເຂັມທີ 2 ໃຫ້ແກ່ຜູ້ອາສາສະໝັກ 120 ຄົນ.
ຕາມທ່ານຮອງລັດຖະມົນຕີກະຊວງສາທາລະນະສຸກ ເຈິ່ນວັກທັວນ ແລ້ວ, ຖ້າຫາກວັກຊິນ COVIVAC ປະສົບຜົນສຳເລັດ, ພ້ອມກັບ Nano Covax ແລະ Vabiotech ຈະຊ່ວຍຫວຽດນາມ ເປັນເຈົ້າການໃນການສະໜອງແຫຼ່ງວັກຊິນປ້ອງກັນພະຍາດໂຄວິດ 19 ຢູ່ພາຍໃນປະເທດ. ກະຊວງສາທາລະນະສຸກຫວຽດນາມ ຫວັງວ່າ, ໃນທ້າຍປີ 2021, ຕົ້ນປີ 2022, ຫວຽດນາມ ຈະມີວັກຊິນເພື່ອນຳໃຊ້, ຊ້ຳບໍ່ໜຳຈະສາມາດສົ່ງອອກໄດ້.
(ແຫຼ່ງຄັດຈາກ VOV)
