13/10/2020 22:39 GMT+7 Email Print Like 0

ມີ 23 ຄົນເສຍຊີວິດ ແລະ 18 ຄົນຫາຍສາບສູນ ຍ້ອນຝົນຕົກໜັກ, ນ້ຳຖ້ວມຢູ່ເຂດພາກກາງ

      ໄລ່ຮອດຕອນບ່າຍວັນທີ 12 ຕຸລາ, ຍ້ອນຖືກຜົນສະທ້ອນຈາກຝົນຕົກໜັກ ແລະ ນ້ຳຖ້ວມໃນຊຸມວັນຜ່ານມາ, ເຮັດໃຫ້ເຂດພາກກາງມີຜູ້ເສຍຊີວິດ 23 ຄົນ ແລະ ຜູ້ຫາຍສາບສູນ 18 ຄົນ. 

ສູນກາງ ສະຫະພັນ ຊາວໜຸ່ມຫວຽດນາມ ມອບເຄື່ອງບັນເທົ່າທຸກໃຫ້ແກ່ພໍ່ແມ່ປະຊາຊົນເມືອງ ແຂວງກວ໋າງຈິ
      ກອງບັນຊາການທະຫານເຂດ 4 ໄດ້ສຸມທຸກແຫຼ່ງກຳລັງ ແລະ ສົມທົບກັບບັນດາກຳລັງຢູ່ກັບທີ່ໃນທ້ອງຖິ່ນເພື່ອແກ້ໄຂຜົນຮ້າຍຢ້ອນຫຼັງຈາກໄພນ້ຳຖ້ວມ. ຈັດຕັ້ງການກູ້ເອົາຊີວິດລູກເຮືອ ແລະ ຊາວປະມົງ 48 ຄົນທີ່ຕິດຄ້າງຢູ່ກ່ຳປັ່ນຕ່າງໆຢູ່ເຂດທະເລ ເກື໋ອຫວຽດ (ແຂວງກວ໋າງຈິ). ພ້ອມທັງໜູນຊ່ວຍຍົກຍ້າຍເກືອບ 74.000 ຄອບຄົວຢູ່ບັນດາເຂດນ້ຳຖ້ວມໄປຍັງບ່ອນປອດໄພ.
        ຕໍ່ໜ້າສະພາບການດັ່ງກ່າວ, ວັນທີ 12 ຕຸລາ, ສູນກາງ ສະຫະພັນ ຊາວໜຸ່ມຫວຽດນາມ ພ້ອມດ້ວຍຄະນະປະຕິບັດງານຄະນະຊາວໜຸ່ມແຂວງກວ໋າງຈິ ໄດ້ມອບເຄື່ອງບັນເທົ່າທຸກໃຫ້ແກ່ພໍ່ແມ່ປະຊາຊົນເມືອງ ດາກຣົງ, ເມືອງ ເຮື໊ອງຮວ໊າ ຂອງແຂວງກວ໋າງຈິ ເຊິ່ງເປັນເຂດທີ່ຖືກຜົນສະທ້ອນຢ່າງໜັກໜ່ວງທີ່ສຸດ.
(ແຫຼ່ງຄັດຈາກ VOV)