08/09/2021 12:56 GMT+7 Email Print Like 0

ມີ​ວັກ​ຊິນ​ກັນ​ໂຄວິດ - 19 ກ່​ວາ 30 ລ້ານ​ໂດ​ສ​ ຈະມາ​ຮອດ ຫວຽດ​ນາມ ໃນ​ເດືອ​ນ​ກັນ​ຍາ ແລະ ເດືອ​ນ​ຕຸ​ລາ ເພື່ອ​ປ້ອງ​ກັນ, ຕ້ານ​ໂລກ​ລະ​ບາດ​ໂຄວິດ - 19

ທ່ານ ເຈິ່ນວັນທ່ວນ, ຮອງລັດຖະມົນຕີ ກະຊວງສາທາລະນະສຸກ ຫວຽດນາມ ໃຫ້ຮູ້ວ່າ: ແຜນນະໂຍບາຍຂອງ ນາຍົກລັດຖະມົນຕີ ແລະ ກະຊວງສາທາລະນະສຸກ ແມ່ນຄົ້ນຄ້ວາວັກຊິນໂດຍໄວ, ເຂັ້ມງວດ, ມີຄວາມປອດໄພ ແລະ ມີປະສິດທິຜົນ. ປັດຈຸບັນ, ວັກຊິນກັນໂຄວິດ - 19 Nano Covac ພວມປະຕິບັດໄລຍະທີ 3.
ທ່ານ ເຈິ່ນວັນທ່ວນ, ຮອງລັດຖະມົນຕີ ກະຊວງສາທາລະນະສຸກ ຫວຽດນາມ ກ່າວຄຳເຫັນທີ່ການຖະແຫຼງຂ່າວ

ຕອນບ່າຍວັນທີ 6 ກັນຍາ, ທີ່ການຖະແຫຼງຂ່າວປະຈຳເດືອນ ສິງຫາຂອງ ລັດຖະບານ, ເມື່ອຕອບສຳພາດຕໍ່ນັກຂ່າວກ່ຽວກັບເລື່ອງ ຍາມໃດຈະສຳເລັດການທົດລອງສັກວັກຊິນກັນໂຄວິດ - 19 Nano Covac, ທ່ານ ເຈິ່ນວັນທ່ວນ, ຮອງລັດຖະມົນຕີ ກະຊວງສາທາລະນະສຸກ ຫວຽດນາມ ໃຫ້ຮູ້ວ່າ: ແຜນນະໂຍບາຍຂອງ ນາຍົກລັດຖະມົນຕີ ແລະ ກະຊວງສາທາລະນະສຸກ ແມ່ນຄົ້ນຄ້ວາວັກຊິນໂດຍໄວ, ເຂັ້ມງວດ, ມີຄວາມປອດໄພ ແລະ ມີປະສິດທິຜົນ. ປັດຈຸບັນ, ວັກຊິນກັນໂຄວິດ - 19 Nano Covac ພວມປະຕິບັດໄລຍະທີ 3. ທ່ານ ທ່ວນໃຫ້ຮູ້ວ່າ:

ປັດຈຸບັນ, ຫວຽດນາມ ພວມທົດລອງການສັກ ວັກຊິນ 3 ຊະນິດນັ້ນແມ່ນ: Nanocovax, Covivac ແລະ ARCT-154 ຄາດວ່າ ປີນີ້, ວັກຊິນ 3 ຊະນິດນີ້ ອາດຈະໄດ້ຮັບການປະຕິບັດສຳເລັດ. ຕົ້ນປີ 2022 ພວເຮົາຈະມີຄວາມເປັນເຈົ້າການແຫຼ່ງວັກຊິນພາຍໃນປະເທດ. ສຳລັບເລື່ອງນຳເຂົ້າວັກຊິນ, ດ້ວຍການຊີ້ນຳຢ່າງຂ້ຽວຂາດຂອງ ນາຍົກລັດຖະມົນຕີ, ຈຳນວນວັກຊິນຈະມາເຖິງ ຫວຽດນາມ ນັບມື້ນັບຫຼາຍຂຶ້ນ, ຄາດວ່າໃນ ເດືອນ ກັນຍາ ແລະ ເດືອນ ຕຸລາ ມີວັກຊິນປະມານ 30 ລ້ານໂດສ ຫຼື ຫຼາຍກ່ວາຈະມາຮອດ ຫວຽດນາມ.

ກ່ຽວກັບໝາກຜົນເບື້ອງຕົ້ນຂອງການຈັດສົ່ງກຳລັງທະຫານ, ຕຳຫຼວດ ໄປໜູນຊ່ວຍນະຄອນໂຮ່ຈີມິນ ແລະ ບັນດາແຂວງທາງພາກໃຕ້ ເພື່ອປ້ອງກັນ, ຕ້ານໂລກລະບາດ, ທ່ານພົນຕີ ໂຕເອິນໂຊ, ຫົວໜ້າຫ້ອງວ່າການ, ໂຄສົກກະຊວງຕຳຫຼວດ ໄດ້ເນັ້ນໜັກວ່າ ການມີໜ້າຂອງທະຫານ, ຕຳຫລວດແມ່ນມີຄວາມຈຳເປັນທີ່ສຸດ ໃນສະພາບການໂລກລະບາດຜັນແປສັບສົນຮ້າຍແຮງຄືປັດຈຸບັນ.

(ແຫຼ່ງຄັດຈາກ VOV)