23/01/2020 12:04 GMT+7 Email Print Like 0

ປີປະທານອາຊຽນ 2020: ຫວຽດນາມເປັນປະທານ ວາລະປະຊຸມສະພາບໍລິຫານ ສະຖາບັນສັນຕິພາບ ແລະ ໄກ່ເກ່ຍ ອາຊຽນ

      ວັນທີ 21 ມັງກອນ, ໄດ້ດຳເນີນກອງປະຊຸມຄັ້ງທີ 18 ຂອງ ສະພາບໍລິຫານ ສະຖາບັນສັນຕິພາບ ແລະ ໄກ່ເກ່ຍ ອາຊຽນ (ອາຊຽນ - IPR) ຢູ່ Jakarta, ປະເທດ ອິນໂດເນເຊຍ. 

ບັນດາຜູ້ແທນເຂົ້າຮ່ວມກອງປະຊຸມຄັ້ງທີ 18 ສະພາບໍລິຫານ ສະຖາບັນສັນຕິພາບ ແລະ ໄກ່ເກ່ຍ ອາຊຽນ (ພາບ: PDVN)
      ນີ້ແມ່ນກອງປະຊຸມຄັ້ງທຳອິດຂອງ ສະພາບໍລິຫານອາຊຽນ - IPR ໃນປີ ຫວຽດນາມ ເປັນປະທານອາຊຽນ 2020. ທ່ານ ເຈິ່ນດຶກບິ່ງ ເອກອັກຄະລັດຖະທູດ, ຫົວໜ້າຄະນະຜູ້ແທນ ຫວຽດນາມ ປະຈຳ ອາຊຽນ, ປະທານສະພາບໍລິຫານ ອາຊຽນ - IPR ເປັນປະທານກອງປະຊຸມ.
        ໂດຍແບ່ງປັນກ່ຽວກັບຄວາມໝາຍຂອງ ຫົວຂໍ້ ແລະ ບັນດາບຸລິມະສິດ ຂອງ ຫວຽດນາມ ໃນປີ ປະທານ ອາຊຽນ 2020, ທ່ານ ເຈິ່ນດຶກບິ່ງ ເອກອັກຄະລັດຖະທູດ ໃຫ້ຮູ້ວ່າ ໜຶ່ງໃນ ບັນດາບຸລິມະສິດ ຂອງ ຫວຽດນາມ ແມ່ນ ຊຸກຍູ້ບັນດາໂຄງການ, ການເຄື່ອນໄຫວກ່ຽວກັບແມ່ຍິງ, ສັນຕິພາບ ແລະ ຄວາມໝັ້ນຄົງ ໃນອາຊຽນ ໃນສະພາບການຮັກສາສັນຕິພາບ ແລະ ຄວາມໝັ້ນຄົງ ສືບຕໍ່ແມ່ນໜຶ່ງໃນບັນດາຈຸດສຸມຂອງ ສະມາຄົມ ອາຊຽນ.
        ທີ່ກອງປະຊຸມ, ສະພາດັ່ງກ່າວໄດ້ປຶກສາຫາລື ແລະ ຮັບຮອງເອົາແຜນການປະຕິບັດງານປີ 2020 ຂອງ ອາຊຽນ - IPR, ຮັບຮູ້ບົດລາຍງານການເງິນ ປີ 2019 ແລະ ສະເໜີງົບປະມານການເຄື່ອນໄຫວໃຫ້ແກ່ປີ 2020 ຂອງ ຄະນະເລຂາ ອາຊຽນ - IPR.
 (ແຫຼ່ງຄັດຈາກ VOV)