ທ່ານປະທານ ຫງວຽນທ້ຽນເຍີນ ໄດ້ຕ້ອນຮັບຄະນະຜູ້ແທນພຸດທະສາສະໜາ Annam Kiya
ຕອນບ່າຍວັນທີ 27/3, ຢູ່ຮ່າໂນ້ຍ, ທ່ານປະທານຄະນະກຳມະການສູນກາງແນວໂຮມປະເທດຊາດ ຫວຽດນາມ ຫງວຽນທ້ຽນເຍີນ ໄດ້ຕ້ອນຮັບຄະນະຜູ້ແທນພຸດທະສາສະໜາ Annam Kiya ແລະ ຊາວ ຫວຽດນາມ ອາໄສຢູ່ ໄທ 50 ຄົນເນື່ອງໃນໂອກາດກັບເມືອຢ້ຽມຢາມ ຫວຽດນາມ. ນະທີ່ນີ້, ທ່ານປະທານ ຫງວຽນທ້ຽນເຍີນ ຢັ້ງຢືນວ່າ: ບັນດາພະອາຈານມະຫາທີ່ເປັນເຈົ້າອະທິການວັດ ຫວຽດນາມ 21 ແຫ່ງຢູ່ໄທ ແມ່ນສັນຍາລັກສະໜິດຕິດພັນລະຫວ່າງ 2 ປະເທດ, ປະຊາຊົນ 2 ຊາດ. ທ່ານ ຫງວຽນທ້ຽນເຍີນ ຫວັງວ່າ: 21 ວັດຂອງ ຫວຽດນາມ ຢູ່ ໄທ ລ້ວນແຕ່ມີຊື່ຫວຽດ ແລະ ເຊື່ອໝັ້ນວ່າພຸດທະສາສະໜາ Annam Kiya ຢູ່ໄທຈະນັບມື້ນັບພັດທະນາ; ອວຍພອນໃຫ້ບັນດາພະອາຈານມະຫາມີສຸຂະພາບເຂັ້ມແຂງ, ມີຂໍ້ລິເລີ່ມຫຼາຍຢ່າງກ່ວາອີກເພື່ອປັບປຸງສາຍພົວພັນລະຫວ່າງພຸດທະສາສະໜາ 2 ປະເທດ ຫວຽດນາມ ແລະ ໄທ.ແລະກໍ່ໃນວັນດຽວກັນ, ຄະນະໄດ້ ໄປຢ້ຽມຢາມສູນກາງສະມາຄົມພຸດທະສາສະໜາ ຫວຽດນາມ, ພົບປະກັບເອກອັກຄະລັດຖະທູດ ໄທ ປະຈຳ ຫວຽດນາມ.
(ແຫຼ່ງຄັດຈາກ VOV)
