15/03/2020 09:24 GMT+7 Email Print Like 0

ປະ​ເທດ​ຕ່າງໆໃນ​ໂລກມາ​ນະ​ພະ​ຍາ​ຍາມ​ສະ​ກັດ​ກັ້ນ​ໂລກ​ລະ​ບາດ Covid -19

ວັນທີ 13 ມີນາ, ທ່ານປະທານາທິບໍດີອາເມລິກາໄດ້ປະກາດສະພາບການສຸກເສີນລະດັບຊາດເພື່ອແນໃສ່ຮັບມືກັບໂລກລະບາດ Covid – 19 ໃນສະພາບການທີ່ໂລກລະບາດພວມສືບຕໍ່ແຜ່ລະບາດໃນວົງກ້ວາງຢູ່ປະເທດນີ້.

ແພດໝໍສົ່ງຜູ້ຕິດເຊື້ອ Covid - 19 ໄປຍັງໂຮງໝໍ (ພາບ: THX/TTXVN) 

ການປະກາດສະພາບການສຸກເສີນລະດັບຊາດຈະເອື້ອອຳນວຍຄວາມສະດວກໃຫ້ອາເມລິກາລະດົມເງິນ 50 ຕື້USD ໃຫ້ແກ່ລັດ, ເຂດແຄ້ວນແລະທ້ອງຖິ່ນຕ່າງໆຢູ່ອາເມລິກາໃນຄວາມມານະພະຍາຍາມລວມສະກັດກັ້ນໂລກລະບາດ Covid -19. ປັດຈຸບັນ, ອາເມລິກາໄດ້ຢັ້ງຢືນມີຜູ້ຕິດເຊື້ອພະຍາດ Covid – 19 ຫຼາຍກ່ວາ 1.700 ຄົນໃນນັ້ນມີ 41 ຄົນເສຍຊີວິດ.

ໃນວັນທີ 13 ມີນາ, ຢູແກຼນໄດ້ປະກາດປິດປະຕູດ່ານຊາຍແດນໃນຮອບເວລາຢ່າງໜ້ອຍສຸດແມ່ນ 2 ອາທິດແລະໂຈະຊົ່ວຄາວບັນດາການເຄື່ອນໄຫວທາງການບິນ. ບັນດາປະເທດຄືແດນມາກ, ໂປໂລຍ, ໂອຕະລິດ, ສ.ໄຊປຣັດກໍ່ໄດ້ປະກາດປິດປະຕູດ່ານຊາຍແດນທັງໝົດເພື່ອແນໃສ່ສະກັດກັ້ນການແຜ່ລະບາດຂອງໄວຣັດ SARS – CoV- 2. ປະເທດຝລັ່ງ, ເຢຍລະມັນ, ລຸກຊຳບວກກໍ່ໄດ້ປະກາດປິດໂຮງຮຽນ.
 (ແຫຼ່ງຄັດຈາກ VOV)