ທ່ານນາງປະທານສະພາແຫ່ງຊາດຫວຽດນາມ ຫງວຽນທິກິມເງິນໄດ້ໄປຢ້ຽມຢາມ ແລະ ເຮັດວຽກຢູ່ກຸ່ມບໍລິສັດອຸດສາຫະກຳ - ໂທລະຄົມມະນາຄົມ ກອງທັບ (Viettel) (ພາບ: TTXVN) 

ຜ່ານການສ້າງຕັ້ງ ແລະ ເຕີບໃຫຍ່ຂະຫຍາຍຕົວມາເປັນເວລາກ່ວາ 30 ປີ, Viettel ໄດ້ກາຍເປັນໜຶ່ງໃນບັນດາປາຍແຫຼມເສດຖະກິດ, ສົມທົບໜ້າທີ່ປ້ອງກັນຊາດ - ປ້ອງກັນຄວາມສະຫງົບກັບໜ້າທີ່ພັດທະນາເສດຖະກິດ - ສັງຄົມເປັນຢ່າງດີ, ສ້າງວຽກເຮັດງານທຳໃຫ້ຜູ້ອອກແຮງງານ, ຕັ້ງໜ້າປະກອບສ່ວນເຂົ້າໃນການພັດທະນາລວມຂອງປະເທດຊາດ. Viettel ບັນລຸໄດ້ໝາກຜົນເປັນໜ້າຊື່ມຊົມພໍສົມຄວນ, ໄດ້ນອນໃນ Top  30 ບໍລິສັດໂທລະຄົມມະນາຄົມໃຫຍ່ທີ່ສຸດໃນໂລກ, ໄດ້ລົງທຶນອອກສູ່ 10 ປະເທດ, ລວມຈຳນວນປະຊາກອນທັງໝົດແມ່ນ 240 ລ້ານຄົນ, ຮັກສາທີ່ຕັ້ງບົດບາດເປັນບໍລິສັດ ໂທລະຄົມມະນາຄົມ ນ້ຳເບີ 1 ຢູ່ຫວຽດນາມ, ກາຍເປັນກຸ່ມບໍລິສັດອຸດສາຫະກຳ - ເຕັກໂນໂລຢີສູງຫວຽດນາມ;ເປັນວິສາຫະກິດທີ່ດຳເນີນທຸລະກິດຢ່າງມີປະສິດທິຜົນ. ທ່ານນາງ ຫງວຽນທິກິມເງິນ ເນັ້ນໜັກວ່າ:

        ກຸ່ມບໍລິສັດອຸດສາຫະກຳ - ໂທລະຄົມມະນາຄົມກອງທັບ Viettel ຄວນເພີ່ມທະວີບົດບາດນຳໜ້າ, ສ້າງການດຳລົງຊີວິດດີຈີຕອນ ແລະ ສັງຄົມດີຈີຕອນຢູ່ຫວຽດນາມ. Viettel ຕ້ອງປະຕິບັດບົດບາດເປັນວິສາຫະກິດນຳໜ້າເຕັກໂຍໂລຢີ. ປັດຈຸບັນ, Viettel ໄດ້ສ້າງພື້ນຖານໂຄງລ່າງດີຈີຕອນ, ບັນດາມາດຕະການສຳຄັນໃຫ້ແກ່ລັດຖະບານ, ສະພາແຫ່ງຊາດ, ກະຊວງ, ຂະແໜງການໃນບາງຂົງເຂດເສດຖະກິດ - ສັງຄົມທີ່ສຳຄັນ.

(ແຫຼ່ງຄັດຈາກ VOV)