08/02/2021 09:36 GMT+7 Email Print Like 0

ປະ​ຊາ​ຄົມ ຊາວ ຫວຽດ​ນາມ ອາ​ໄສ ຢູ່​ສິງ​ກະ​ໂປ ຕ້ອນ​ຮັບ​ບຸນ​ປີ​ໃໝ່​ປະ​ຈຳ​ຊາດ​ປີ​ສະຫຼູດ້ວຍ​ຄວາ​ມອ​ົບ​ອຸ່ນ

ຕອນຄ່ຳວັນທີ 6 ກຸມພາ, ສະຖານທູດ ຫວຽດນາມ ປະຈຳ ສິງກະໂປ ໄດ້ຈັດຕັ້ງການຕ້ອນຮັບບຸນປີໃໝ່ປະຈຳຊາດ ຕ້ອນຮັບລະດູບານໃໝ່ປີສະຫຼູ 2021 ໂດຍມີການເຂົ້າຮ່ວມຂອງພໍ່ແມ່ປະຊາຊົນຊາວຫວຽດນາມ ອາໄສ ຢູ່ ສິງກະໂປ, ພ້ອມດ້ວຍໝູ່ຄະນະບັນດາສຳນັກງານຜູ້ຕາງໜ້າ, ຊາວຫວຽດນາມ ດຳລົງຊີວິດ, ເຮັດວຽກ ແລະ ຮ່ຳຮຽນຢູ່ປະເທດປະຈຳຖິ່ນ.
ປະຊາຄົມ ຊາວ ຫວຽດນາມ ອາໄສ ຢູ່ສິງກະໂປ ຕ້ອນຮັບບຸນປີໃໝ່ປະຈຳຊາດປີສະຫຼູດ້ວຍຄວາມອົບອຸ່ນ (ພາບ: TTXVN)

ກ່າວຄຳເຫັນທີ່ພິທີ, ທ່ານນາງ ຕ່າວທິແທັງເຮືອງ ເອກອັກຄະລັດຖະທູດ ຫວຽດນາມ ປະຈຳ ສິງກະໂປ ໄດ້ແຈ້ງໃຫ້ຊາບກ່ຽວກັບຜົນງານເຊິ່ງ ຫວຽດນາມ ບັນລຸໄດ້ໃນປີ 2020 ໃນສະພາບການໂລກ ແລະ ພາກພື້ນ ຖືກຜົນສະທ້ອນຢ່າງໜັກໜ່ວງຈາກໂລກລະບາດ ໂຄວິດ - 19. ທ່ານນາງ ເອກອັກຄະລັດຖະທູດ ຕ່າວທິແທັງເຮືອງ ກໍ ຢັ້ງຢືນວ່າ ໃນສະພາບການໂລກລະບາດ, ການພົວພັນຄູ່ຮ່ວມມືຍຸດທະສາດ ຫວຽດນາມ - ສິງກະໂປ ຍັງສືບຕໍ່ໄດ້ຮັບການເພີ່ມທະວີ ແລະ ພັດທະນານາ. ສອງປະເທດໄດ້ຮ່ວມມືກັນຢ່າງແໜ້ນແຟ້ນໃນການປະຕິບັດບັນດາໜ້າທີ່ເປັນປະທານ ອາຊຽນ 2020 ແລະ ກຳມະການບໍ່ປະຈຳການສະພາຄວາມໝັ້ນຄົງ ສປຊ, ພິເສດ, ຮ່ວມມືກັນຢ່າງແໜ້ນແຟ້ນໃນການປ້ອງກັນ, ສະກັດກັ້ນໂລກລະບາດໂຄວິດ - 19, ປຶກສາຫາລືກ່ຽວກັບການຮັບປະກັນຄວາມໝັ້ນຄົງດ້ານສະບຽງອາຫານ. ທ່ານນາງ ຕ່າວທິແທັງເຮືອງ ກໍຕີລາຄາສູງການປະກອບສ່ວນຂອງປະຊາຄົມຊາວ ຫວຽດນາມ ທີ່ມີຕໍ່ບ້ານເກີດເມືອງນອນ, ປະເທດຊາດ ແລະ ການພົວພັນຮ່ວມມື ຫວຽດນາມ - ສິງກະໂປ.
(ແຫຼ່ງຄັດຈາກ VOV)