(ທ່ານ​ນາງ​ປະ​ທານ​ສະ​ພາ​ແຫ່ງ​ຊາດ​ຫວຽດ​ນາມ​ ຫງວຽນ​ທິ​ກິມ​ເງິນ
ພົບ​ປະ​ເຈ​ລະ​ຈາກັ​ບທ່ານ​ນາ​ຍົກ​ລັດ​ຖະ​ມົນ​ຕີ Bohuslav Sobotka)

​      ຕອນ​ບ່າຍ​ວັນ​ທີ 14/04, ທ່ານ​ນາງ​ປະ​ທານ​ສະ​ພາ​ແຫ່ງ​ຊາດ​ຫວຽດ​ນາມ​ ຫງວຽນ​ທິ​ກິມ​ເງິນ ແລະ ຄະ​ນະ​​ຜູ້​ແທນ​ຂັ້ນ​ສູງສະ​ພາ​ແຫ່ງ​ຊາດ​ຫວຽດ​ນາມ ໄດ້​ເດີນ​ທາງ​ອອກ​ຈາກ​ນະ​ຄອນ​ຫຼວງ Praha, ກັບ​ເມືອ​ປະ​ເທດ, ສິ້​ນ​ສຸ​ດ​ການ​ຢ້ຽມ​ຢາມ​ສ.​ເຊັກ​ໂກ ເປັນ​ທາງ​ງານ​ຢ່າງ​ຈົບ​ງາມ ຕາມ​ຄຳ​ເຊີນ​ຂອງ​ທ່ານ​ປະ​ທານ​ສະ​ພາ​ສູງ Milan Stech.
        ​ໃນ​ຊຸມ​ມື້​ຜ່ານ​ມາສື່​ມວນ​ຊົນ​ສ.ເຊັກ​ໂກ ໄດ້​ໃຫ້​ຂ່າວ​ຢ່າງ​ຫຼວງ​ຫຼາຍກ່ຽວ​ກັບ​ການ​ຢ້ຽມ​ຢາມ​ສ.ເຊັກ​ໂກ ຂອງ​ທ່ານ​ນາງ​ປະ​ທານ​ສະ​ພາ​ແຫ່ງ​ຊາດ​ຫວຽດ​ນາມ ຫງວຽນ​ທິ​ກິມ​ເງິນ. ໃນ​ແວັບ​ໄຊ www.vlada.cz ຂອງ​ລັດ​ຖະ​ບານ ສ.ເຊັກ​ໂກ ໄດ້ເນັ້ນ​ໜັກ​ວ່າ, ທ່ານ​ນາ​ຍົກ​ລັດ​ຖະ​ມົນ​ຕີ Bohuslav Sobotka ໄດ້​ມີ​ການ​ພົບ​ປະ​ກັ​ບ​ທ່ານ​ນາງ​ປະ​ທານ​ສະ​ພາ​ແຫ່ງ​ຊາດ ຫງວຽນ​ທິ​ກິມ​ເງິນ, ປຶກ​ສາ​ຫາ​ລື​ບັນ​ດາ​ມາດ​ຕະ​ການ​ເພື່ອ​ສືບ​ຕໍ່​ພັດ​ທະ​ນາ​ການ​ພົວ​ພັນ 2 ຝ່າຍ, ໃນ​ນັ້ນ​ມີ​ການ​ຮ່ວມ​ມື​ດ້ານ​ການ​ຄ້າ, ການ​ລົງ​ທຶນ, ການ​ສຶກ​ສາ, ​ການປ້ອງ​ກັນ​ຄວາມ​ສະ​ຫງົບ, ວັດ​ທະ​ນະ​ທຳ, ວິ​ທະ​ຍາ​ສາດ ແລະ ທ່ອງ​ທ່ຽວ. ທ່ານ​ນາ​ຍົກ​ລັດ​ຖະ​ມ​ົນ​ຕີ Sobotka ຢືນ​ຢັນ​ວ່າ, ສ.ເຊັກ​ໂກ ເອົາ​ໃຈ​ໃສ່​ເຖິງ​ການ​ເພີ່ມ​ທະ​ວີ​ການ​ຮ່ວມ​ມື​ກັບ​ຫວຽດ​ນາມ, ນັບ​ທັງ​ໃນ​ຂົງ​ເຂດ​ການ​ເມືອງ ແລະ ເສດ​ຖະ​ກິດ. ໃນ​ຊຸມ​ປີ​ຜ່ານ​ມາ, ວົງ​ເງິນ​ການ​ຄ້າ​ລະ​ຫວ່າງ 2 ປະ​ເທດ​ບັນ​ລຸກວ່າ 912 ລ້ານ USD ແລະ 2 ປະ​ເທດມ​ີ​ຄວາມ​ສາ​ມາດ​ບົ່​ມ​ຊ້ອນເພື່ອ​ຍົກ​ສູງ​​ວົງ​ເງິນ​ການ​ຄ້າກວ່າ​ອີກ.

(ແຫຼ່ງຄັດຈາກ VOV)