31/08/2021 06:39 GMT+7 Email Print Like 0

ປະທານປະເທດອະໄພຍະໂທດໃຫ້ນັກໂທດ 3.026 ຄົນຊຶ່ງພວມປະຕິບັດໂທດຈຳຄຸກ

      ເນື່ອງໃນໂອກາດວັນຊາດຫວຽດນາມທີ 2 ກັນຍາ, ທ່ານປະທານປະເທດຫວຽດນາມ ຫງວຽນຊວນຟຸກໄດ້ເຊັນຂໍ້ຕົກລົງອະໄພຍະໂທດປີ 2021 ຊຶ່ງໄດ້ອະໄພຍະໂທດໃຫ້ນັກໂທດ 3.026 ຄົນຊຶ່ງພວມປະຕິບັດໂທດຈຳຄຸກ
ທ່ານປະທານປະເທດຫວຽດນາມ ຫງວຽນຊວນຟຸກ ພວມກວດກາເຮືອນຄົວແຕ່ງກິນໃຫ້ນັກໂທດທີ່ຄ້າຍຄຸມຂັງ ງອກຫຼີ ແຂວງບັກຢາງ
          ວັນທີ 30 ສິງຫາ, ເນື່ອງໃນໂອກາດວັນຊາດຫວຽດນາມທີ 2 ກັນຍາ, ທ່ານປະທານປະເທດຫວຽດນາມ ຫງວຽນຊວນຟຸກໄດ້ເຊັນຂໍ້ຕົກລົງອະໄພຍະໂທດປີ 2021 ຊຶ່ງໄດ້ອະໄພຍະໂທດໃຫ້ນັກໂທດ 3.026 ຄົນຊຶ່ງພວມປະຕິບັດໂທດຈຳຄຸກ, 3 ຄົນພວມຖືກຊັດມ້ຽນການປະຕິບັດໂທດຈຳຄຸກໂດຍຊົ່ວຄາວ, 3 ຄົນພວມຖືກໂຈະປະຕິບັດໂທດຈຳຄຸກ, ມີເງື່ອນໄຂຮັບອະໄພຍະໂທດໃນປີ 2021.
    ຂໍ້ຕົກລົງສະບັບນີ້ມີຜົນສັກສິດນັບແຕ່ວັນທີ 1 ກັນຍາປີ 2021 ເປັນຕົ້ນໄປ. ນາຍົກລັດຖະມົນຕີ, ປະທານ ແລະ ບັນດາສະມາຊິກໃນສະພາທີ່ປຶກສາອະໄພຍະໂທດ, ປະທານສານປະຊາຊົນສູງສຸດ, ຫົວໜ້າອົງການໄອຍະການປະຊາຊົນສູງສຸດ, ຫົວໜ້າຫ້ອງວ່າການປະທານປະເທດ ຕ້ອງຮັບຜິດຊອບປະຕິບັດຕາມຂໍ້ຕົກລົງສະບັບນີ້. 
(ແຫຼ່ງຄັດຈາກ VOV)