ປະທານປະເທດ ເຈີ່ນດ້າຍກວາງ ພົບປະກັບພະນັກງານສະຖານທູດ ແລະ ຜູ້ຕາງໜ້າປະຊາຄົມນັກສຶກສາ ຫວຽດນາມ ຢູ່ ເບລາຣຸດ
ກໍ່ໃນຂອບເຂດການຢ້ຽມຢາມ ສ. ເບລາຣຸດ ຢ່າງເປັນທາງການ, ຕອນຄ່ຳວັນທີ 26 ມິຖຸນາ, ທ່ານປະທານປະເທດ ເຈີ່ນດ້າຍກວາງ ໄດ້ພົບປະ, ໂອ້ລົມກັບພະນັກງານ, ພາລະກອນສະຖານທູດ ຫວຽດນາມ ແລະ ຜູ້ຕາງໜ້າປະຊາຄົມ, ນັກສຶກສາ ຫວຽດນາມ ຢູ່ ເບລາຣຸດ.
ທ່ານປະທານປະເທດ ເຈີ່ນດ້າຍກວາງ ຖ່າຍຮູບທີ່ລະນຶກກັບລູກຫຼານຊາວ ຫວຽດນາມ ອາໄສຢູ່ ເບລາຣຸດ
ນະທີ່ນີ້, ທ່ານປະທານປະເທດ ເຈີ່ນດ້າຍກວາງ ຫວັງວ່າ: ສະຖານທູດ ໄດ້ຊາບຊຶມແນວທາງການຕ່າງປະເທດຂອງພັກ ແລະ ລັດ, ອັບເດດສະພາບການພາຍໃນປະເທດເພື່ອຜັນຂະຫຍາຍໜ້າທີ່ພົວພັນຕ່າງປະເທດທັນການ, ເໝາະສົມ ເພື່ອແນໃສ່ຊຸກຍູ້ການຮ່ວມມືທຸກໆດ້ານກັບ ເບລາຣຸດ.
ທ່ານປະທານປະເທດ ເຈີ່ນດ້າຍກວາງ ຖືວ່າ: ປະຊາຄົມຊາວ ຫວຽດນາມ ຢູ່ ເບລາຣຸດ ເຖິງວ່າມີຈຳນວນບໍ່ຫຼາຍປານໃດກໍ່ຕາມ ແຕ່ແຕ່ລະຄົນດ້ວຍການກະທຳທີ່ແທດຈິງ ໄດ້ປະກອບສ່ວນໂຄສະນາ ກ່ຽວກັບປະເທດຊາດ, ປະຊາຊົນ ຫວຽດນາມ, ນຳ 2 ປະເທດ ຫວຽດນາມ ແລະ ເບລາຣຸດ ຫຍັບມໍ່ເຂົ້າກັນກ່ວາ. ທ່ານປະທານປະເທດ ເຈ່ີນດ້າຍກວາງ, ຖືວ່າ:
“ເບລາຣຸດ ແມ່ນບ້ານເກີດເມືອງນອນແຫ່ງທີສອງຂອງພໍ່ແມ່ພີ່ນ້ອງ, ດັ່ງນັ້ນ ພວກເຮົາພະຍາຍາມທຳມາຫາກິນ ແລະ ພັດທະນາເພື່ອມີການດຳລົງຊີວິດທີ່ເປັນປົກກະຕິ ແລະ ປະກອບສ່ວນສ້າງສາບ້ານເກີດເມືອງນອນຂອງຕົນໃນເງື່ອນໄຂທີ່ພໍ່ແມ່ປະຊາຊົນມີຄວາມສາມາດຈະເຮັດໄດ້. ຂ້າພະເຈົ້າໄດ້ຮູ້ວ່າ: ຍາມໃດພໍ່ແມ່ປະຊາຊົນກໍ່ອ່ວາຍໜ້າເມືອຫາບ້ານເກີດເມືອງນອນ, ນັບທັງເລື່ອງພວກຫຼານນ້ອຍພະຍາຍາມຮຽນພາສາ ຫວຽດ ກໍ່ແມ່ນການຕັກເຕືອນໃຫ້ພວກເຮົາຄິດຮອດຄິດເຖິງບ້ານເກີດເມືອງນອນ. ຂ້າພະເຈົ້າໄດ້ຍ້ອງຍໍຊົມເຊີຍສິ່ງດັ່ງກ່າວ ແລະ ຕີລາຄາສູງຈິດໃຈຂອງພໍ່ແມ່ປະຊາຊົນທີ່ໄດ້ທຳມາຫາກິນດ້ວຍຄວາມດຸໝັ່ນຂະຫຍັນພຽນ ແລະ ເຊື່ອມຕົວເຂົ້າກັບອຳນາດການປົກຄອງປະເທດປະຈຳຖິ່ນ. ຂ້າພະເຈົ້າຫວັງວ່າ ພໍ່ແມ່ປະຊາຊົນຍາມໃດກໍ່ເສີມຂະຫຍາຍມູນເຊື້ອນັ້ນ.”
(ແຫຼ່ງຄັດຈາກ VOV)