ນັບແຕ່ຄ່ຳຄືນວັນທີ 1 ພະຈິກຈົນຮອດຕອນເຊົ້າວັນທີ 2 ພະຈິກເກີດມີຝົນຕົກໜັກຢູ່ບໍລິເວນນະຄອນດ່ານັງ ແລະ ແຂວງກວາງນາມ. ຢູ່ດ່ານັງ, ຝົນຕົກໜັກເຮັດໃຫ້ມີນ້ຳຖ້ວມຢູ່ຖະໜົນຫົນທາງສາຍຕ່າງໆ, ເຂດຊຸມຊົນຈຳນວນໜຶ່ງ.
ຢູ່ແຂວງຟູອຽນ, ຝົນຕົກໜັກເຮັດໃຫ້ຖະໜົນຫົນທາງຈຳນວນໜຶ່ງຖືກເສາະເຈື່ອນ ຊື່ງໄດ້ເຮັດໃຫ້ເກີດມີສະພາບລົດຕິດ. ທ່ານເຈີ່ນຫີ້ວເທ ຮອງປະທານຄະນະກຳມະການປະຊາຊົນແຂວງຟູອຽນ ໃຫ້ຮູ້ວ່າ: ປະຈຸບັນ, ທາງແຂວງໄດ້ໃຫ້ບຸລິມະສິດສຸມໃສ່ໜູນຊ່ວຍເຮືອນ 160 ຫຼັງຂອງປະຊາຊົນຖືກເພພັງ, ຫຼັງຄາເພີກ, ຊ່ວຍປະຊາຊົນສ້າງຊີວິດການເປັນຢູ່ເປັນປົກກະຕິຄືນໃໝ່ ພ້ອມທັງຜັນຂະຫຍາຍວິທີການຮັບມືກັບພະຍຸ, ຝົນຕົກໃນໄລຍະຈະມາເຖິງ.
(ແຫຼ່ງຄັດຈາກ VOV)
