ນາຍົກລັດຖະມົນຕີ ຫງວຽນຊວັນຟຸກ: ແຜ່ຂະຫຍາຍນ້ຳໃຈມະນຸດສະທຳ, ຄວາມຮັກແພງຊ່ວຍເຫຼືອເຊິ່ງກັນ ແລະ ກັນຂອງຊາວ ຫວຽດນາມ
ທ່ານນາຍົກລັດຖະມົນຕີສະເໜີໃຫ້ຄະນະພັກ, ອຳນາດການປົກຄອງທ້ອງຖິ່ນທຸກຂັ້ນ ຈົ່ງທະວີຄູນແບບຢ່າງອັນດີງາມ, ຮ່ຳຮຽນໃນຊຸມຊົນ, ແຜ່ຂະຫຍາຍນ້ຳໃຈມະນຸດສະທຳ, ຄວາມແຮງແພງຊ່ວຍເຫຼືອເຊິ່ງກັນແລະກັນ ຂອງຊາວຫວຽດນາມ.
ທ່ານນາຍົກລັດຖະມົນຕີຫງວຽນຊວັນຟຸກຖາມຂ່າວບັນດາແບບຢ່າງມິດງຽບ (ພາບ: VGP)
ກ່າວຄຳເຫັນທີ່ການພົບປະກັບແບບຢ່າງທີ່ດີເດັນ 50 ຄົນ ທີ່ຕາງໜ້າໃຫ້ແກ່ຜູ້ແທນ 400 ຄົນ ທີ່ເຂົ້າຮ່ວມພິທີຍ້ອງຍໍສັນລະເສີນ “ບັນດາແບບຢ່າງດີເດັ່ນມິດງຽບ ເພື່ອປະຊາຄົມ” ເຊິ່ງໄດ້ຈັດຂຶ້ນໃນຕອນບ່າຍວັນທີ່ 27 ພະຈິກ, ທ່ານນາຍົກລັດຖະມົນຕີຫວຽດນາມ ຫງວຽນຊວັນຟຸກ ໄດ້ເນັ້ນໜັກວ່າ: ພັກ, ລັດ ແລະ ປະຊາຊົນ ໄດ້ເຄົາລົບນັບຖື ບັນດາແບບຢ່າງທີ່ເສຍສະຫຼະ ສິດຜົນປະໂຫຍດ ຂອງຕົນ ເພື່ອເບິ່ງແຍງປະຊາຄົມ, ສັງຄົມ. ທ່ານກໍ່ຢັ້ງຢືນວ່າ ຍາມໃດພັກ, ລັດ ກໍ່ໄດ້ເອົາໃຈໃສ່, ເບິ່ງແຍງຕໍ່ຜູ້ມີຄຸນງາມຄວາມດີ, ຜູ້ທຸກຍາກ, ຜູ້ພິການ, ຜູ້ທີ່ໄດ້ຮັບຜົນກະທົບຈາກໄພທຳມະຊາດໃນສັງຄົມ, ທ່ານນາຍົກລັດຖະມົນຕີ ຖືວ່າ: ລັດ ແລະ ບັນດາຜູ້ທີ່ມີຄວາມເມດຕາປານີໜູນຊ່ວຍປະຊາຄົມ ແມ່ນທຶນຮອນອັນປະເສີດຂອງສັງຄົມ, ການຊ່ວຍເຫຼືອຂອງປະຊານ, ປະຊາຄົມແມ່ນມີຄວາມສຳຄັນທີ່ສຸດ. ທ່ານນາຍົກລັດຖະມົນຕີສະເໜີໃຫ້ຄະນະພັກ, ອຳນາດການປົກຄອງທ້ອງຖິ່ນທຸກຂັ້ນ ຈົ່ງທະວີຄູນແບບຢ່າງອັນດີງາມ, ຮ່ຳຮຽນໃນຊຸມຊົນ, ແຜ່ຂະຫຍາຍນ້ຳໃຈມະນຸດສະທຳ, ຄວາມຮັກແພງຊ່ວຍເຫຼືອເຊິ່ງກັນແລະກັນ ຂອງຊາວຫວຽດນາມ.
(ແຫຼ່ງຄັດຈາກ VOV)