03/09/2021 23:13 GMT+7 Email Print Like 0

ນາຍົກລັດຖະມົນຕີກວດກາໂດຍບັງເອີນວຽກງານປ້ອງກັນຕ້ານໂລກລະບາດໂຄວິດ-19 ຜ່ານລະບົບທາງໄກ

      ທ່ານນາຍົກລັດຖະມົນຕີຊີນຳໃຫ້ບັນດາຕາແສງ, ບ້ານ, ເທດສະບານເມືອງ ສືບຕໍ່ປະຕິບັດບັນດາຂໍ້ກຳກົດການແຍກຫ່າງສັງຄົມ, ການແຍກຕົວ, ການຮັບປະກັນຊີວິດສັງຄົມ
ທ່ານນາຍົກລັດຖະມົນຕີຫວຽດນາມ ຟ້າມມິນຈິງ ໄດ້ກວດກາວຽກງານປ້ອງກັນ, ຕ້ານໂລກລະບາດໂຄວິດ-19
(ພາບປະກອບ: VGP)
      ຕອນຄ່ຳວັນທີ 02 ກັນຍາ, ທ່ານນາຍົກລັດຖະມົນຕີຫວຽດນາມ ຟ້າມມິນຈິງ ໄດ້ກວດກາໂດຍບັ້ງເອີນວຽກງານປ້ອງກັນ, ຕ້ານໂລກລະບາດໂຄວິດ-19 ຜ່ານລະບົບທາງໄກຢູ່ 5 ຕາແສງ, ບ້ານ, ເທດສະບານເມືອງຂຶ້ນກັບນະຄອນ ໂຮ່ຈີມິນ, ແຂວງ ລອງອານ, ຕຽນຢາງ. ນີ້ແມ່ນໜຶ່ງໃນຈຳນວນບັນດາຕາແສງ, ບ້ານ, ເທດສະບານເມືອງມີການຜັນແປຢ່າງສັບສົນຂອງໂລກລະບາດໂຄວິດ-19. ພາຍຫຼັງກຳແໜ້ນສະພາບການຢູ່ຂັ້ນຮາກຖານ, ທ່ານນາຍົກລັດຖະມົນຕີຊີນຳໃຫ້ບັນດາຕາແສງ, ບ້ານ, ເທດສະບານເມືອງ ສືບຕໍ່ປະຕິບັດບັນດາຂໍ້ກຳກົດການແຍກຫ່າງສັງຄົມ, ການແຍກຕົວ, ການຮັບປະກັນຊີວິດສັງຄົມ, ຮັບປະກັນໃຫ້ປະຊາຊົນໄດ້ສຳຜັດກັບບັນດາການບໍລິການສາທາລະນະສຸກໃຫ້ເປັນຢ່າງດີກວ່າ; ຈັດການສັກວັກຊິນໂດຍມີວິທະຍາສາດ, ປອດໄພ, ມີປະສິດທິຜົນ, ຮັບປະກັນການປ້ອງກັນ ຕ້ານໂລກລະບາດຕາມການແນະນຳຂອງກະຊວງສາທາລະນະສຸກ; ເບິ່ງແຍງດູແລ, ປິ່ນປົວໃຫ້ກໍລະນີ F0 ຢ່າງທັນການ. ພ້ອມກັນນັ້ນ, ຕ້ອງໂຄສະນາ, ຂົນຂວາຍ, ຮຽກຮ້ອງໃຫ້ປະຊາຊົນປ້ອງກັນ ຕ້ານໂລກລະບາດ.
        ໃນຕອນບ່າຍວັນດຽວກັນ, ທ່ານຮອງນາຍົກລັດຖະມົນຕີ ຫວູດຶກດາມ ແລະ ໜ່ວຍປະຕິບັດງານພິເສດຂອງລັດຖະບານ ໄດ້ເຮັດວຽກກັບຄະນະຊີ້ນຳການປ້ອງກັນ, ຕ້ານໂລກລະບາດໂຄວິດ-19 ຂອງນະຄອນໂຮ່ຈີມີນ ກ່ຽວກັບບັນດາວຽກງານທີ່ສືບຕໍ່ຕ້ອງໄດ້ຮັບການຜັນຂະຫຍາຍໃນໄລຍະຈະມາເຖິງ.
(ແຫຼ່ງຄັດຈາກ VOV)