ນັກຮຽນເກືອບ 23 ລ້ານຄົນ ຢູ່ຫວຽດນາມເຂົ້າຮ່ວມພິທີໄຂສົກຮຽນໃຫມ່ 2020- 2021
ຕອນເຊົ້າວັນທີ 5 ກັນຍາ ມີນັກຮຽນເກືອບ 23 ລ້ານຄົນໃນທົ່ວປະເທດຫວຽດນາມໄດ້ເຂົ້າຮ່ວມພິທີໄຂສົກຮຽນໃຫມ່ 2020- 2021 ຕາມຮູບການກະທັດລັດ, ຮັບປະກັນຄວາມປອດໄພ ຍ້ອນຜົນສະທ້ອນຈາກໂລກລະບາດໂຄວິດ 19.
ທ່ານຮອງປະທານສະພາແຫ່ງຊາດ ຫວຽດນາມຟຸ່ງກວັກຫຽນ (ຜູ້ຢູ່ເບື້ອງຂວາ) ເຂົ້າຮ່ວມພິທີໄຂສົກຮຽນໃຫມ່ ຢູ່ ໂຮງຮຽນອະນຸບານ, ມັດທະຍົມຕອນຕົ້ນ, ມັດທະຍົມຕອນປາຍ ຫງວຽນຊຽວ - ຮ່າໂນ້ຍ (ພາບ: VOV5)
ຢູ່ນະຄອນຫລວງ ຮ່າໂນ້ຍ ມີນັກຮຽນເກືອບ 2,1 ລ້ານຄົນໄດ້ເຂົ້າຮ່ວມພິທີໄຂສົກຮຽນໃຫມ່. ທ່ານ ເວືອງດີງເຫ້ວ, ສາດສະດາຈານ, ປອ ນາຍຄູດີເດັ່ນ, ເລຂາຄະນະພັກນະຄອນ ຮ່າໂນ້ຍ ໄດ້ເຂົ້າຮ່ວມພິທີໄຂສົກຮຽນໃຫມ່ ຢູ່ ໂຮງຮຽນມັດທະຍົມຕອນຕົ້ນ ຢ໋າງຫວໍ ເມືອງ ບາດີງ - ຮ່າໂນ້ຍ.
ທ່ານຮອງປະທານສະພາແຫ່ງຊາດ ຫວຽດນາມຟຸ່ງກວັກຫຽນ ເຂົ້າຮ່ວມພິທີໄຂສົກຮຽນໃຫມ່ ຢູ່ ໂຮງຮຽນອະນຸບານ, ມັດທະຍົມຕອນຕົ້ນ, ມັດທະຍົມຕອນປາຍ ຫງວຽນຊຽວ - ຮ່າໂນ້ຍ.
ສ່ວນທ່ານນາງຮອງປະທານປະເທດຫວຽດນາມດັ້ງທິງອກທິ້ງ ໄດ້ເຂົ້າຮ່ວມພິທີໄຂສົກຮຽນໃຫມ່ຢູ່ໂຮງຮຽນມັດທະຍົມຕອນປາຍ ເລກູຍໂດນ ນະຄອນໂຮ່ຈີມິນ.
ຢູ່ ນະຄອນດາຫນັງ ຍ້ອນຜົນສະທ້ອນຈາກໂລກລະບາດໂຄວິດ 19, ນັກຮຽນໄດ້ເຂົ້າຮ່ວມພິທີໄຂສົກຮຽນໃຫມ່ທາງອອນລາຍ.
(ແຫຼ່ງຄັດຈາກ VOV)