02/08/2021 22:39 GMT+7 Email Print Like 0

ນະຄອນໂຮ່ຈີມິນ ເປີດສະຖານທີ່ຂາຍສະບຽງອາຫານຕື່ມອີກ 150 ແຫ່ງ ເພື່ອສະໜອງສະບຽງອາຫານໃຫ້ແກ່ປະຊາຊົນ

      ປັດຈຸບັນ, ພະແນກອຸດສາຫະກຳ ແລະ ການຄ້າ ນະຄອນໂຮ່ຈີມິນ ກໍ່ພວມເພີ່ມທະວີ ບັນດາສະຖານທີ່ຂາຍສະບຽງອາຫານຕື່ມອີກຢູ່ບັນດາເຂດທີ່ມີປະຊາຊົນຫຼາຍຄົນ.
ພາບປະກອບ:  nld.com.vn
      ໃນຊຸມວັນຜ່ານມາ, ຫຼາຍແຫ່ງຢູ່ນະຄອນໂຮ່ຈີມິນ ໄດ້ແຈກຢາຍໃບຊື້ເຄື່ອງຂອງທີ່ຈຳເປັນໃຫ້ແກ່ປະຊາຊົນໄປຕະຫຼາດ, ຮ້າຍສັບພະສິນຄ້າ... ຊື້ສະບຽງອາຫານເພື່ອແນໃສ່ປະກອບສ່ວນຈຳກັດການໄປມາຊື້ເຄື່ອງຂອງປະຊາຊົນ, ຈຳກັດການເຕົ້າໂຮມກັນຫຼາຍຄົນ. ປັດຈຸບັນ, ພະແນກອຸດສາຫະກຳ ແລະ ການຄ້າ ນະຄອນໂຮ່ຈີມິນ ກໍ່ພວມເພີ່ມທະວີ ບັນດາສະຖານທີ່ຂາຍສະບຽງອາຫານຕື່ມອີກຢູ່ບັນດາເຂດທີ່ມີປະຊາຊົນຫຼາຍຄົນ. ທ່ານ ຫງວຽນງວຽນເຟືອງ ຮອງຫົວໜ້າພະແນກອຸດສາຫະກຳ ແລະ ການຄ້ານະຄອນໂຮ່ຈີມິນ ໃຫ້ຮູ້ວ່າ:
 ພະແນກອຸດສາຫະກຳ ແລະ ການຄ້ານະຄອນໂຮ່ຈີມິນ ພວມຕັ້ງໜ້າກວດກາຄືນບັນດາລະບົບ, ຊ່ອງຈຳໜ່າຍທີ່ມີຢູ່ແລ້ວ ເຊິ່ງກ່ຽວຂ້ອງເຖິງການຄ້າ, ຂົນຂວາຍບັນດາວິສາຫະກິດນີ້ ເພີ່ມເຕີມສິນຄ້າປະເພດທັນຍະຫານ, ອາຫານສົດ ເພື່ອຮັບໃຊ້ປະຊາຊົນ. ໃນຊຸມວັນຈະມາເຖິງ, ພະແນກອຸດສາຫະກຳ ແລະ ການຄ້າ ນະຄອນໂຮ່ຈີມິນ ຈະມານະພະຍາມຈັດຕັ້ງສະຖານທີ່ຂາຍເຄື່ອງຕື່ມອີກແຕ່ 100 – 150 ແຫ່ງຢູ່ເຂດຊຸມຊົນໃນບໍລິເວນນະຄອນ.
ພະແນດອຸດສາຫະກຳ ແລະ ການຄ້ານະຄອນໂຮ່ຈີມິນ ໄດ້ສະເໜີໃຫ້ບັນດາເມືອງ ແລະ ນະຄອນ ຖູດຶກ ເປີດຄືນບັນດາສະຖານທີ່ຂ້າຍເຄື່ອງປອດໄພຢູ່ບັນດາຕະຫຼາດເກົ່າໂດຍໄວ ແລະ ຊອກຫາພື້ນທີ່ຢູ່ໃກ້ກັບຕະຫຼາດ ເພື່ອເປີດສະຖານທີ່ຂາຍເຄື່ອງສະໜອງສະບຽງອາຫານ, ໃຫ້ແກ່ປະຊາຊົນ. ພ້ອມທັງ, ຈັດຕັ້ງບັນດາຖ້ຽວລົດບຸລິມະສິດເພື່ອຂົນສົ່ງສິນຄ້າ ໃຫ້ແກ່ບັນດາຮ້ານຂາຍເຄື່ອງນີ້ຢ່າງໄວວາ.
(ແຫຼ່ງຄັດຈາກ VOV)